ەۋرازيالىق ەكونوميكالىق كوميسسيا (ەەك) كەڭەسىنىڭ ونلاين فورماتتا كەزەكتى وتىرىسى ءوتتى. جيىن بارىسىندا ەۋرازيالىق ەكونوميكالىق وداققا (ەاەو) مۇشە مەملەكەتتەردە عىلىمي اتاقتار تۋرالى قۇجاتتاردى ءوزارا تانۋ جونىندەگى كەلىسىم ماقۇلداندى, دەپ حابارلايدى Egemen.kz.
قۇجات ەڭبەك كوشى-قونى اياسىندا عىلىمي اتاقتاردى تىكەلەي مويىنداۋدى قاراستىرادى. بۇل عىلىمي دارەجەسى بار ازاماتتارعا وداققا مۇشە باسقا ەلدەردە ءوز بىلىكتىلىگىنە سايكەس جۇمىس ىستەۋگە مۇمكىندىك بەرەدى. ەگەر جۇمىسقا ورنالاساتىن مەملەكەتتە ساراپتاما قورىتىندىسى بويىنشا تەرىس شەشىم قابىلدانباعان بولسا, كەلىسىم كۇشىنە ەنگەنگە دەيىن بەرىلگەن قۇجاتتار دا رەسمي تۇردە تانىلادى.
ەندى كەلىسىم راتيفيكاتسيالاۋ راسىمىنەن ءوتۋ ءۇشىن ەاەو ەلدەرىنە جولدانادى. بارلىق قاجەتتى راسىمدەر اياقتالعان سوڭ قۇجات كۇشىنە ەنەدى.
قازاقستان مەن موڭعوليا ۇكىمەتتەرى اراسىنداعى زەينەتاقى سالاسىنداعى ىنتىماقتاستىق كەلىسىمى راتيفيكاتسيالاندى
سونىمەن قاتار وتىرىستا ەاەو ەلدەرىنىڭ زياتكەرلىك كولىك جۇيەلەرىنىڭ ءوزارا ءىس-قيمىلىن جەتىلدىرۋ تۇجىرىمداماسىن ىسكە اسىرۋعا ارنالعان جول كارتاسى بەكىتىلدى. بيىل بازالىق اقپاراتتىق سەرۆيستەردى ايقىنداۋ, دەرەكتەر الماسۋ فورماتى بويىنشا ۇسىنىستار ازىرلەۋ جانە ءتيىستى قۇقىقتىق نەگىز قالىپتاستىرۋ جوسپارلانعان.
كەڭەس قورىتىندىسى بويىنشا ەاەو كەدەندىك اۋماعىندا ۆەتەريناريالىق دارىلىك زاتتاردىڭ اينالىمىن رەتتەۋ قاعيدالارىنىڭ جەكەلەگەن نورمالارىن ناقتىلاۋ جانە تەحنيكالىق رەگلامەنتتەردى ازىرلەۋ جوسپارىن وزەكتەندىرۋ تۋرالى شەشىم قابىلداندى.
پرەزيدەنت ازيا-تىنىق مۇحيتى وڭىرلىك كونۆەنتسياسىن راتيفيكاتسيالاۋ تۋرالى زاڭعا قول قويدى
ايتا كەتەيىك, 2026 جىلى ەەك كەڭەسىنە قازاقستان توراعالىق ەتەدى. كەڭەستى پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين باسقارادى.