قىزىلوردا وبلىسى پروكۋراتۋراسىندا وبلىس پروكۋرورىنىڭ تۇراقتى جەكە قابىلداۋى وتكىزىلىپ كەلەدى. وسىنداي كەزدەسۋلەردىڭ بىرىندە سابالاق ساياجايىنىڭ تۇرعىندارى ەلدى مەكەنگە تابيعي گاز تارتۋ ماسەلەسىن كوتەرگەن بولاتىن, دەپ حابارلايدى Egemen.kz.
تۇرعىنداردىڭ ءوتىنىشى نازارعا الىنىپ, وبلىس اكىمدىگى مەن پروكۋراتۋرانىڭ بىرلەسكەن جۇمىسى ناتيجەسىندە سابالاق ەلدى مەكەنى كوگىلدىر وتىنعا قوسىلدى.
گازعا قوسۋ راسىمىنە وبلىس پروكۋرورى ريزابەك وجاروۆ, وبلىس اكىمى نۇرلىبەك نالىباەۆ, پارلامەنت ءماجىلىسىنىڭ دەپۋتاتتارى, قۇقىق قورعاۋ ورگاندارىنىڭ باسشىلارى, زيالى قاۋىم وكىلدەرى جانە جەرگىلىكتى تۇرعىندار قاتىستى.
گاز سالاسىن تسيفرلاندىرۋ: QazaqGaz Aimaq قوسىمشاسى قالاي جۇمىس ىستەيدى؟
جوبا اياسىندا 3,2 ملرد تەڭگە قارجى ءبولىنىپ, 1 694 تۇرعىن ءۇي تابيعي گازبەن قامتىلدى. بۇل باستاما حالىقتىڭ تۇرمىس ساپاسىن ارتتىرىپ, الەۋمەتتىك جاعدايىن جاقسارتۋعا ايتارلىقتاي ىقپال ەتەدى.
سوڭعى جىلدارى سابالاق ساياجايىندا ينجەنەرلىك ينفراقۇرىلىم جۇيەلى تۇردە دامىپ كەلەدى. ەلدى مەكەنگە اۋىز سۋ تارتىلىپ, ەلەكتر جەلىلەرى جۇرگىزىلىپ, جولدار جوندەلدى. الداعى ۋاقىتتا باسقا دا ساياجاي اۋماقتارىنا كەزەڭ-كەزەڭىمەن ينفراقۇرىلىم جەتكىزۋ جوسپارلانىپ وتىر.
پاۆلوداردا اۆتوگاز بەكەتتەرىنىڭ ۇشتەن بىرىندە زاڭبۇزۋشىلىقتار تىركەلگەن