تۇركىستان وبلىسى كەلەس اۋدانىندا دەنساۋلىق ساقتاۋ, ءبىلىم بەرۋ, الەۋمەتتىك قورعاۋ, مادەنيەت, سپورت, اگروونەركاسىپتىك كەشەن سالاسى, سونداي-اق جەرگىلىكتى مەملەكەتتىك باسقارۋ ورگاندارىن بىلىكتى كادرلارمەن قامتاماسىز ەتۋ ماقساتىنداعى «ديپلوممەن اۋىلعا» مەملەكەتتىك جوباسى جۇيەلى تۇردە جۇزەگە اسىرىلىپ كەلەدى, دەپ حابارلايدى Egemen.kz.
وتكەن جىلى كەلەس اۋدانىنا اتالعان باعدارلاما اياسىندا كەلگەن 120 مامانعا ءبىر رەتتىك كوتەرمە جاردەماقى بەرىلىپ, 55 مامان تۇرعىن ءۇي ساتىپ الۋ نەمەسە سالۋ ءۇشىن بيۋدجەتتىك نەسيەمەن قامتىلعان. ال 2026 جىلى 50 مامانعا كوتەرمە جاردەماقى بەرۋ جانە 27 ماماندى تۇرعىن ۇيمەن قامتاماسىز ەتۋ جوسپارلانىپ وتىر.
جاس ماماندار جەردە قالمايدى
ايتا كەتەلىك, جوباعا قاتىسۋشىلارعا بىرقاتار الەۋمەتتىك قولداۋ شارالارى قاراستىرىلعان. اۋىلعا جۇمىسقا بارعان ماماندارعا 100 ايلىق ەسەپتىك كورسەتكىش مولشەرىندە بىرجولعى كوتەرمە جاردەماقى تولەنەدى. سونىمەن قاتار, تۇرعىن ءۇي ساتىپ الۋ نەمەسە سالۋعا اۋدان ورتالىعىندا 2 500 ايلىق ەسەپتىك كورسەتكىشكە دەيىن, ال اۋىلدىق ەلدى مەكەندەردە 2 000 ايلىق ەسەپتىك كورسەتكىشكە دەيىن بيۋدجەتتىك نەسيە بەرىلەدى. نەسيە 15 جىل مەرزىمگە راسىمدەلەدى.
«Jas Keñes Sıylyğy»: استانادا جاس ماماندار ماراپاتتالدى