ەلىمىزدە كوكتەمگى سۋ تاسقىنى كەزەڭىنە دايىندىق جۇرگىزەتىن «كوكتەم-2026» رەسپۋبليكالىق كوماندالىق-شتابتىق وقۋ-جاتتىعۋى باستالدى, دەپ حابارلايدى Egemen.kz.
اۋقىمدى ءىس-شارا 2026 جىلعى 25-27 اقپان كۇندەرى وتەدى. ونىڭ نەگىزگى ماقساتى – كوكتەمگى سۋ تاسقىنى كەزەڭىندە تۋىنداۋى مۇمكىن توتەنشە جاعدايلارعا ازاماتتىق قورعاۋ مەملەكەتتىك جۇيەسى مەن حالىقتىڭ دايىندىعىن ارتتىرۋ, سونداي-اق ازاماتتىق قورعاۋ قىزمەتتەرى مەن قۇرالىمدارىنىڭ جەدەل ارەكەت ەتۋ قابىلەتىن تەكسەرۋ.
وقۋ-جاتتىعۋدى ۇيلەستىرۋ جانە باسقارۋ جونىندەگى رەسپۋبليكالىق شتاب استانا قالاسىندا, توتەنشە جاعدايلار مينيسترلىگى ستراتەگيالىق جوسپارلاۋ جانە جەدەل باسقارۋ ورتالىعىنىڭ بازاسىندا جۇمىس ىستەيدى.
توتەنشە جاعداي كەزىندە ۆولونتەرلىك كومەك جۇيەسى نىعايتىلادى
شاراعا رەسپۋبليكالىق ازاماتتىق قورعاۋ قىزمەتتەرى, ورتالىق جانە جەرگىلىكتى اتقارۋشى ورگاندار, سونداي-اق اۆاريالىق-قۇتقارۋ قىزمەتتەرى مەن ارنايى قۇرىلىمدار قاتىسىپ جاتىر.
جاتتىعۋ اياسىندا ەلىمىزدىڭ ءار وڭىرىندە توتەنشە جاعدايلاردى جويۋ بويىنشا باسقارۋ شەشىمدەرىن پىسىقتاۋ, كوماندالىق-شتابتىق وقۋ-جاتتىعۋلار وتكىزۋ, سونداي-اق اۆاريالىق-قۇتقارۋ قىزمەتتەرى مەن ازاماتتىق قورعاۋ كۇشتەرىنىڭ پراكتيكالىق ءىس-قيمىلدارى ۇيىمداستىرىلادى.
«سونىمەن قاتار, وقۋ-جاتتىعۋ بارىسىندا «بارشانىڭ نازارىنا!» سيگنالى بويىنشا اۋماقتىق دەڭگەيدەگى قۇلاقتاندىرۋ جۇيەسىنىڭ دايىندىعى تەكسەرىلەدى. 2026 جىلعى 25 اقپاندا ساعات 11:00-دە ەلىمىزدىڭ بارلىق وڭىرلەرىندە سيرەنا-سويلەۋ قۇرىلعىلارى مەن ەلەكترسيرەنالار ىسكە قوسىلادى. وسىعان بايلانىستى تۇرعىنداردى سابىر ساقتاپ, الاڭداۋشىلىققا بوي الدىرماۋعا شاقىرامىز», دەلىنگەن مينيسترلىك حابارلاماسىندا.
الماتىنىڭ ءبىر بولىگىندە توتەنشە جاعداي جاريالاندى