پاكىستان بيلىگى اقش پەن يران اراسىندا بەيبىت كەلىسىم جاسالعانىن حابارلادى. سونىمەن قاتار ليۆاندا اتىستى توقتاتۋ جونىندە دە كەلىسىمگە قول جەتكىزىلگەنى ايتىلدى. اقش پرەزيدەنتى دونالد ترامپ ورمۇز بۇعازى ارقىلى تەڭىز قاتىناسى قايتا جانداناتىنىن مالىمدەدى. بۇل كەلىسىم جاھاندىق مۇناي نارىعىنا بىردەن اسەر ەتتى. سونىڭ ناتيجەسىندە قارا التىن باعاسى 4 پايىزدان استام تومەندەدى, دەپ حابارلايدى Egemen.kz.
ساۋدا قورىتىندىسى بويىنشا Brent ماركالى مۇناي فيۋچەرستەرىنىڭ قۇنى ءبىر باررەل ءۇشىن 84 دوللاردان تومەن تۇسسە, WTI ماركاسىنىڭ باعاسى 81 دوللارعا دەيىن ارزاندادى.
كەلىسىم تۋرالى جاڭالىق ازيا قور بيرجالارىندا وڭ سەرپىن تۋعىزدى. اتاپ ايتقاندا, جاپونيانىڭ Nikkei يندەكسى 3,5 پايىزعا وسسە, وڭتۇستىك كورەيانىڭ KOSPI يندەكسى 5 پايىزدان استام جوعارىلادى.
ساراپشىلاردىڭ پىكىرىنشە, ەنەرگيا تاسىمالداۋشىلارى باعاسىنىڭ تومەندەۋى الەمدىك ەكونوميكاداعى ينفلياتسيالىق قىسىمدى باسەڭدەتۋى مۇمكىن. دەگەنمەن يران مۇنايىنىڭ الەمدىك نارىققا بۇرىنعى كولەمدە قايتا ورالۋى بەلگىلى ءبىر ۋاقىتتى قاجەت ەتەدى.
كاسپي قۇبىر كونسورتسيۋمى مۇناي تاسىمالىن رەكوردتىق دەڭگەيگە جەتكىزدى
ايتا كەتەيىك, بۇعان دەيىن يران مەن اقش كەلىسسوزدەرىنىڭ توقتاۋى مۇناي باعاسىن كۇرت وسىرگەن بولاتىن.
ال وپەك+ ەلدەرى شىلدەدەن باستاپ مۇناي ءوندىرۋ كولەمىن ارتتىرادى.
وپەك+ ەلدەرى شىلدەدەن باستاپ مۇناي ءوندىرۋ كولەمىن ارتتىرادى