15 ماۋسىم مەن 28 جەلتوقسان ارالىعىندا ەل تۇرعىندارى بيزنەس نەگىزدەرىن تەگىن وقىپ, جاساندى ينتەللەكت بويىنشا كۋرستان ءوتىپ, ءوز ءىسىن باستاۋعا ارنالعان گرانتتى ۇتىپ الۋ مۇمكىندىگىنە يە بولادى, دەپ حابارلايدى Egemen.kz.
Coca-Cola Belesteri الەۋمەتتىك جوباسى 14 ماۋسىمنان باستالعانىن جاريالادى. وتىنىمدەردى قابىلداۋ 2026 جىلعى 15 ماۋسىم مەن 28 جەلتوقسان ارالىعىندا جۇرگىزىلەدى.
ماۋسىمنىڭ باستى جاڭالىعى − بيزنەس-يدەيالار بايقاۋى باستالادى. بۇل بايقاۋدا ايەلدەر مەن 30 جاسقا دەيىنگى جاستار اراسىنان ىرىكتەلگەن 10 جەڭىمپاز وزدەرىنىڭ العاشقى بيزنەسىن اشۋعا نەمەسە دامىتۋعا 1 ميلليون تەڭگە كولەمىندەگى گرانتقا يە بولادى. كوپتەگەن قاتىسۋشىلار ءۇشىن بۇل كاسىپكەرلىك جولىنداعى العاشقى قارجىلىق قولداۋ بولماق.
CCB ءبىلىم بەرۋ باستاماسى تسيفرلىق يننوۆاتسيالىق پلاتفورماسىنا نەگىزدەلەدى, ول كاسىپكەرلىك نەگىزدەرىن ونلاين وقىتۋدان باستاپ, گرانت الۋ مۇمكىندىگى بار ۇزدىك بيزنەس-يدەيالار بايقاۋىنا قاتىسۋعا دەيىنگى ء«وسۋ باسپالداقتارى» جۇيەسىن ۇسىنادى. جوبا وتكەن جىلدارى وقۋدان وتكەن قاتىسۋشىلارعا بيزنەس-اكسەلەراتسيا باعدارلامالارى مەن اقپاراتتىق ماتەريالدار ارقىلى قولداۋ كورسەتەدى. سونىمەن قاتار, جوبا سايتىنىڭ ماركەتپلەيسى قازاقستان وڭىرلەرىنەن جەرگىلىكتى سەرىكتەستەر تابۋعا مۇمكىندىك بەرەدى.
«14 جىلدىق تاجىريبە كورسەتكەندەي, سەنىمدى سەرىكتەستىڭ قولداۋى بولعان جاعدايدا, ءبىلىم ناقتى جۇمىس ىستەيتىن بيزنەسكە اينالادى. 2026 جىلعى ماۋسىمدا تەحنولوگيالار مەن ناقتى قولداۋعا باسىمدىق بەرىلەدى. جاساندى ينتەللەكت بويىنشا كۋرس پەن 1 ميلليون تەڭگەلىك گرانت سەنىمدى باستاۋ مەن ءوسۋ قۇرالدارىنا اينالماق», دەپ اتاپ ءوتتى جوبا ۇيىمداستىرۋشىسى, «الەۋمەتتىك ديناميكا» قوعامدىق قورىنىڭ ديرەكتورى ەلەنا وجگو.
2025 جىلى جوبانىڭ ءبىلىم قورى قازاق جانە ورىس تىلدەرىندەگى جاڭا بەينەساباقتار سەرياسىمەن كەڭەيتىلدى. CCB ءبىلىم بەرۋ ەكوجۇيەسى تاجىريبەلىك قولدانۋ مەن قولجەتىمدىلىك قاعيداتتارىنا نەگىزدەلگەن. كونتەنت وزەكتىلىگىن ساقتاۋ ماقساتىندا جوبا وقۋ ماتەريالدارىن تۇراقتى تۇردە جاڭارتىپ وتىراتىن جەتەكشى سالالىق ساراپشىلاردى تارتادى.
2026 جىلعى ءبىلىم بەرۋ ماۋسىمىنىڭ جاڭالىعى: بارلىق قاتىسۋشىلارعا شەكتەۋسىز تۇردە «شاعىن بيزنەسكە ارنالعان جاساندى ينتەللەكت» كۋرسى قولجەتىمدى بولادى. تاجىريبە بارىسىندا نەيروجەلىلەردى ماركەتينگتە, كونتەنت جاساۋدا, ساتىلىمدا جانە كۇندەلىكتى جۇمىستى اۆتوماتتاندىرۋدا قالاي قولدانۋ كەرەكتىگى قاراستىرىلادى.
1 ميلليون تەڭگەلىك گرانتتى قالاي الۋعا بولادى؟
ايەلدەرگە ارنالعان Business Qumyz باعدارلاماسىنىڭ نەمەسە 30 جاسقا دەيىنگى جاستارعا ارنالعان Business Orken باعدارلاماسىنىڭ وقۋ كۋرسىنان ءوتۋ قاجەت. باعدارلاما سوڭىندا قورىتىندى سەرتيفيكات الۋ كەرەك. 28 جەلتوقسانعا دەيىن بيزنەس-يدەياڭىزدى بايقاۋعا وتكىزۋ قاجەت. ەڭ ۇزدىك 10 جوبانى ساراپشىلار ىرىكتەيدى.«كوكا-كولا قازاقستان Belesteri جوباسىن قولدايدى, سەبەبى ايەلدەر مەن جاستار كاسىپكەرلىگىنىڭ كۇشىنە سەنەدى. بۇل − ەلدىڭ تۇراقتى دامۋىنا سالىنعان ينۆەستيتسيالار. ءبىز جىل سايىن كوپتەگەن قاتىسۋشىنىڭ ءبىلىم الىپ قانا قويماي, ءوز يدەيالارىن جۇزەگە اسىرۋعا ارنالعان باستاپقى كاپيتالعا يە بولاتىنىنا قۋانىشتىمىز», دەپ اتاپ ءوتتى Coca-Cola كومپانياسىنىڭ ورتالىق ازيا جانە كاۆكاز وڭىرىندەگى ۇكىمەتپەن بايلانىس, كوممۋنيكاتسيالار جانە ورنىقتى دامۋ جونىندەگى اعا ديرەكتورى الەكساندرا اككيرمان.
ءوتىنىشتى مىنا سايت ارقىلى بەرۋگە بولادى.
وتىنىمدەر 2026 جىلعى 15 ماۋسىم مەن 28 جەلتوقسان ارالىعىندا قابىلدانادى.
Coca-Cola Belesteri − قازاقستانداعى حالىقتىڭ ەكونوميكالىق مۇمكىندىكتەرىن ارتتىرۋعا باعىتتالعان ەڭ تانىمال ءارى تۇراقتى الەۋمەتتىك جوبا. ول تەگىن وقىتۋ جانە گرانت الۋ مۇمكىندىگىن ۇسىنىپ, شاعىن بيزنەستى دامىتۋعا ءارى ەكونوميكالىق بەلسەندىلىكتى ارتتىرۋعا كومەكتەسەدى. بۇل وڭىرلەردەگى كەدەيلىكتى ازايتىپ, ادامدارعا ءوز كۇشىنە سەنۋىنە مۇمكىندىك بەرەدى.
2012 جىلدان بەرى «كوكا-كولا قازاقستان» جشس قولداۋىمەن «الەۋمەتتىك ديناميكا» قوعامدىق قورى ايەلدەر مەن جاستار اراسىندا كاسىپكەرلىكتى دامىتۋعا ارنالعان ەكوجۇيەنى قالىپتاستىردى. 2012-2025 جىلدار ارالىعىندا جوبا اياسىندا كاسىپكەرلىك نەگىزدەرىنە 157 مىڭنان استام ايەل وقىتىلدى, 178 گرانت بەرىلدى, سونداي-اق جوبا قاتىسۋشىلارى 13 300-دەن استام جۇمىس ورنىن اشتى.
باعدارلامانىڭ تيىمدىلىگى قاتىسۋشىلار ومىرىندەگى ساپالىق وزگەرىستەرمەن راستالادى. ساۋالناما ناتيجەسىنە سايكەس, تۇلەكتەردىڭ 13%-ى بيزنەستى جاڭادان اشقان, ال 15%-ى قولدانىستاعى كاسىپتەرىن كەڭەيتىپ, العان ءبىلىم مەن قولداۋدىڭ ارقاسىندا تابىسىن ارتتىرعان.
2025 جىلى كاسىپكەرلىك باستامالار كوبەيدى. جوبا تاريحىنداعى بيزنەس-يدەيالار بايقاۋىنا تۇسكەن بارلىق وتىنىمدەردىڭ ىشىندە 21%-دان استامى ءدال وسى كەزەڭدە بەرىلگەن. بۇل ءار 5 بيزنەس-يدەيانىڭ بىرەۋى ءدال 2025 جىلى قاتىسۋشىلار تاراپىنان ۇسىنىلعانىن بىلدىرەدى.