جاھان جاڭالىقتارىنا شولۋ.
فرانتسيا پرەزيدەنتى ەمانۋەل ماكروننىڭ مەملەكەتتىك كولىك سالاسىن تولىعىمەن جاڭعىرتۋ جۇمىستارىن جۇرگىزۋ تۋرالى باستاماسىنا قارسى بولعان تەمىرجولشىلار ەرەۋىلگە شىقتى. بۇل فرانتسياداعى پرەزيدەنتكە قارسى ەڭ ءىرى ەرەۋىلدەردىڭ ءبىرى.
بۇقارالىق اقپارات قۇرالدارى «قارا سەيسەنبى» دەپ اتاعان ەرەۋىل فرانتسيانىڭ 4,5 ملن تەمىر جول جولاۋشىلارىنا كەدەرگى كەلتىرگەن. سەبەبى پويىز جۇرگىزۋشىلەرىنىڭ 75 پايىزى, قىزمەتكەرلەردىڭ 33 پايىزى جۇمىستارىن توقتاتقان. ەرەۋىلدىڭ ءبىرىنشى كۇنى تەك ايماقتىق 5 پويىزدىڭ بىرەۋى جانە 8 جوعارى جىلدامدىقتى TGV پويىزىنىڭ بىرەۋى عانا جۇمىس ىستەدى.
جۇمىسشىلار 28 ماۋسىمعا دەيىن ءبىر اپتانىڭ ەكى كۇنىندە مەملەكەت بويىنشا تەمىر جول قىزمەتىن توقتاتپاق. وسىلايشا ولار پرەزيدەنتتىڭ مەملەكەتتىڭ تەمىر جول جۇيەسىن وزگەرتۋ تۋرالى باستامالارىنا قارسى ەكەندىكتەرىن ءبىلدىردى. تەمىرجولشىلاردىڭ ايتۋىنشا, ۇكىمەت جاڭا رەفورما ارقىلى ولاردىڭ ەڭبەك قۇقىقتارىن شەكتەپ وتىرماق. ال ماكرون مەن ۇكىمەت تەمىرجولشىلاردىڭ ءومىر بويى كەپىلدىك الىپ, جىل سايىن ەڭبەكاقىلارىنىڭ اۆتوماتتى تۇردە ءوسىپ وتىراتىنى ادىلەتسىز ەكەنىن ايتتى. سونىمەن قاتار ولاردىڭ ەرتە زەينەتكە شىعۋىن دا توقتاتۋ كەرەك دەگەن ۇسىنىسىن جەتكىزدى. ال فرانتسيا پرەمەر-ءمينيسترىنىڭ ايتۋىنشا, حالىقتىڭ تەمىر جول جۇيەسىنە كوڭىلى تولمايدى.
بۇۇ: الەمدەگى گۋمانيتارلىق داعدارىستىڭ ەڭ سوراقىسىبۇۇ-نىڭ باس حاتشىسى انتونيو گۋتتەريش يەمەندەگى سوعىستى الەمدەگى گۋمانيتارلىق داعدارىستىڭ ەڭ سوراقىسى دەپ اتادى. ونىڭ ايتۋىنشا, ونداعى 22 ملن ادامعا – حالىقتىڭ تورتتەن ۇشىنە كومەك كەرەك جانە ميلليونداعان حالىق تازا سۋدى تۇتىنا الماي وتىر. «يەمەندە حولەرا ەپيدەمياسى ءجيى كەزدەسەدى. مۇندا ءاربىر ون مينۋت سايىن بالالار اۋرۋدان قايتىس بولادى. ءتىپتى 18 جاسقا تولماعان قىزداردىڭ ۇشتەن ەكىسى تۇرمىس قۇرعان», دەدى ا.گۋتتەريش جەنەۆاداعى كونفەرەنتسيادا. باس حاتشىنىڭ ايتۋىنشا, يەمەنگە بۇۇ 2,96 ملرد دوللار گۋمانيتارلىق كومەك كورسەتۋ كەرەك بولعان, بىراق بۇل مىندەت ورىندالماعان. دەگەنمەن بۇۇ جوسپارى بويىنشا اقش 930 ملن دوللار بولگەن جانە وڭىرگە قوسىمشا تاعى 500 ملن دوللار بەرۋگە دايىن ەكەنىن ايتقان.
مارك تسۋكەربەرگ Facebook-ءتىڭ توراعالىعىنان كەتۋى كەرەك پە؟نيۋ-يوركتىڭ زەينەتاقى قورىنا قۇيىلاتىن ينۆەستيتسيالاردى باقىلايتىن سكوتت سترينگەر مارك تسۋكەربەرگ Facebook توراعالىعىنان كەتۋى كەرەك دەگەن پىكىر ءبىلدىردى. Cambridge ءAnalytىسا داۋىنان كەيىن ول Facebook كەڭەسىنە وسى ماسەلەنى قاراۋ تۋرالى ۇسىنىس ءبىلدىردى.
نيۋ-يوركتىڭ زەينەتاقى قورى Facebook-ءتىڭ 1 ملرد دوللارىنا يەلىك ەتەدى. قور باسشىسى تسۋكەربەرگتى جانە ءۇش ديرەكتوردى تاۋەلسىز توراعا الماستىرۋى كەرەكتىگىن ايتتى. «الەۋمەتتىك جەلىنىڭ 2 ملرد تۇتىنۋشىسى بار. ولار ءوز مالىمەتتەرىنىڭ قورعالعان-قورعالماعانىن ناقتى بىلمەيدى, ءارى سەنبەيدى», دەدى ول. سونداي-اق سترينگەر قور Facebook-تەگى ءوز قارجىسىن قايتارىپ الاتىنىن ايتتى.
ارينە تسۋكەربەرگ باسشى رەتىندە بارلىق اكتسيونەرلەردى ءوزى باسقارادى. بىراق Cambridge Analytica ينۆەستورلارعا وزگەرىس ەنگىزۋدى تالاپ ەتۋگە جاقسى مۇمكىندىك تۋعىزىپ وتىر.
دايىنداعان گۇلنۇر قۋانىشبەكقىزى, «ەگەمەن قازاقستان»