قارجى ساۋاتتىلىعى مەن كاسىپكەرلىك قۇزىرەتتىلىگىن دامىتۋ بويىنشا 10-11 سىنىپ وقۋشىلارى ارنايى ساباق وتەتىن بولادى. بۇل تۋراسىندا «نۇر وتان» پارتياسى «جاس وتان» جاستار قاناتىنىڭ كەزەكتى IV سەزى اياسىندا ءوتىپ جاتقان «رۋحاني جاڭعىرۋ» سەسسياسى كەزىندە ءبىلىم جانە عىلىم ۆيتسە-ءمينيسترى اسحات ايماعامبەتوۆ ءمالىم ەتتى.
«قارجى ساۋاتتىلىعى مەن كاسىپكەرلىك قۇزىرەتتىلىگىن دامىتۋ بويىنشا 10-11 سىنىپ وقۋشىلارى ارنايى ساباق وتەتىن بولادى. بۇل وتە ماڭىزدى قادامداردىڭ ءبىرى. سونىمەن بىرگە كاسىپتىك كوللەدجدەردە نارىق ىڭعايىنا قاراي وقۋشىلارعا قارجى ساۋاتتىلىعى ۇيرەتىلەدى. ولار وقۋدى بىتىرگەن سوڭ جۇمىس ىزدەۋشى مامان ەمەس, جۇمىس بەرۋشىگە اينالادى. مۇنداي جوبا وسىعان دەيىن قاراعاندىدا ىسكە اسىرىلدى, بۇگىندە العاشقى ناتيجەسىن دە كورسەتتى», دەيدى ۆيتسە-مينيستر اسحات ايماعامبەتوۆ.
ايا ءومىرتاي,
«ەگەمەن قازاقستان»