2018 جىلى 9 ناۋرىزدا «نۇرسۇلتان نازارباەۆ» حالىقارالىق اۋەجايىندا «استانا-دۋباي» حالىقارالىق باعىتىنداعى جۇك كولىگىن شەكارالىق تەكسەرۋ كەزىندە تاۋار انىقتاماسى ىلىنبەگەن 3 قارا سۋمكادان سۇڭقار تۇقىمداسىنا جاتاتىن جىرتقىش قۇستار تابىلدى. بۇل تۋرالى ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز قىزمەتى حابارلادى.
13 ناۋرىز كۇنگى زوولوگيا ينستيتۋتى مەن قازاقستان بيوالۋان تۇرلىكتى ساقتاۋ قاۋىمداستىعى ماماندارىنىڭ بىرلەسكەن كوميسسياسىنىڭ شەشىمىمەن, تابىلعان قۇستاردىڭ اقسۇڭقار تۇقىمىنا جاتاتىندىعى انىقتالدى. قازىرگى ۋاقىتتا ءتىرى قالعان 20 قۇستىڭ كۇيى ناشار, ولار الماتىداعى «سۇڭقار» ورتالىعىنا جەتكىزىلدى.
اق سۇڭقار (لات. Falco rusticolus) - سۇڭقار تۇقىمداسىنا جاتاتىن جىرتقىش قۇس. قازاقستاندا تۇراقتى مەكەندەمەيدى. كوكشەتاۋ, وسكەمەن, الماتى ماڭايىن 12 جىل (1976-1988) ىشىندە 2 رەت قانا قىستايدى.