پاۆلودارداعى مەملەكەتتىك پەداگوگيكالىق ۋنيۆەرسيتەت VII قىسقى ۋنيۆەرسيادا چەمپيونى اتاندى

ۇلتتىق عىلىمي-پراكتيكالىق دەنە تاربيەسى ورتالىعىنىڭ ۇيىمداستىرۋمەن وتكەن ۋنيۆەرسياداعا ەلىمىزدىڭ 38 جوعارعى وقۋ ورىندارىنان  2000-عا جۋىق ستۋدەنت جاستار قاتىستى.  جالپى كوماندالىق ەسەپتە 6-شى ورىندى قازاق مەملەكەتتىك قىزدار پەداگوگيكالىق ۋنيۆەرسيتەتى يەلەنسە, 5-ءشى ورىنعا شىعىس قازاقستان مەملەكەتتىك تەحنيكالىق ۋنيۆەرسيتەتى لايىق دەپ تانىلدى. ال, 4-ءشى ورىندى س. تورايعىروۆ اتىنداعى پاۆلودار مەملەكەتتىك ۋنيۆەرسيتەتى, 3-ءشى ورىنعا قاراعاندى مەملەكەتتىك ۋنيۆەرسيتەتى جەتتى. ۋنيۆەرسيادانىڭ كۇمىس جۇلدەسى قوستاناي پەداگوگيكالىق ينستيتۋتىنا تابىستالسا, 1-ءشى ورىن, التىن مەدالدى  115 ستۋدەنت سپورتشىسى قاتىسقان  پاۆلودار مەملەكەتتىك پەداگوگيكالىق ۋنيۆەرسيتەتى جەڭىپ الدى.

دەنە شىنىقتىرۋ كافەدراسىنىڭ مالىمەتىنشە, وقۋ ورنىنىڭ قىزدار كومانداسى  پاۋەرليفتينگەن, قىسقى كوپسايىستان 1-ءشى, شاڭعىدان – 2-ءشى,  باسكەتبول مەن فۋتبولدان – 4-ءشى, قىسقى باعدارلاۋدان 1-ءشى ورىن الدى. جەڭىمپازداردى  ۋنيۆەرسيتەتتە ماراپاتتار كۇتىپ تۇر. ۇلتتىق عىلىمي-پراكتيكالىق دەنە تاربيەسى ورتالىعىنىڭ باس ديرەكتورى سادىق مۇستافاەۆتىڭ  ايتۋىنشا, ستۋدەنتتەردىڭ  كەلەسى جازعى ۋنيۆەرسياداسى اقتوبەدە وتەدى.         

فاريدا بىقاي

«ەگەمەن قازاقستان»

پاۆلودار وبلىسى

سۋرەتتى تۇسىرگەن: ابزال قابدىراش