قازاقستاندىق بوكسشى رۋسلان ماديەۆ كاسىپقوي رينگتەگى كەزەكتى جەڭىسىنە قول جەتكىزدى, دەپ حابارلايدى «SPORTINFORM» ساا ءتىلشىسى.
اقش-تىڭ كاليفورنيا شتاتىندا وتكەن كاسىپقوي بوكس كەشىندە رۋسلان ماديەۆ مەكسيكالىق مارتين انحەل مارتينەسپەن قولعاپ ءتۇيىستىردى. 6 راۋندقا جوسپارلانعان ورتا سالماقتاعى بوكسشىلاردىڭ جەكپە-جەگى 4 راۋندتا اياقتالدى. رۋسلان ماديەۆ تەحنيكالىق نوكاۋتپەن جەڭىسكە جەتتى.
بۇل جەرلەسىمىزدىڭ كاسىپقوي بوكستاعى ون ءبىرىنشى جەڭىسى, ونىڭ ىشىندە - بەسىنشى نوكاۋت. مارتين مارتينەستە 18 جەڭىس, 14 جەڭىلىس جانە ءبىر تەڭ ويىن بار.
25 جاستاعى رۋسلان ماديەۆ (11-0-0, 5 كو) ايگىلى باپكەر ابەل سانچەستىڭ «Big Bear» كەشەنىندە گەننادي گولوۆكينمەن بىرگە جاتتىعادى.