9 ناۋرىز كۇنى ريددەر قالاسىنان 6 شاقىرىم جەردەگى اۋماقتان ەر ادامنىڭ ءمايىتى تابىلعان.
ىشكى ىستەر مينيسترلىگىنىڭ توتەنشە جاعدايلار كوميتەتىنىڭ ءباسپاسوز قىزمەتىنىڭ تاراتقان مالىمەتتەرىنە سۇيەنسەك, قايعىلى وقيعا وسى كۇنى ءتۇس مەزگىلىنە دەيىنگى ۋاقىتتا ورىن العان. 1958 جىلعى ەر ادام 8 ناۋرىز كۇنى تاڭعى ساعات 10:30-دا شاڭعىمەن قالا شەتىنە شىعىپ كەتىپ, سول كۇيى ورالماعان. مارقۇمدى كولەمى 60 تەكشە مەتر قار كوشكىنى باسىپ قالعان. ءورت ءسوندىرۋ جانە اپاتتىق قۇتقارۋ قىزمەتىنىڭ ماماندارى ونىڭ دەنەسىن ريددەرگە جەتكىزگەن.
بۇل وڭىردە 7-11 ناۋرىز ارالىعىندا قار كوشكىنى قاۋپى بولاتىنى تۋرالى جەرگىلىكتى تەلەارنا ارقىلى حابارلانعان ەكەن. توتەنشە جاعداي قىزمەتى وبلىس تۇرعىندارىنا كوشكىن قاۋپى جايىندا ەسكەرتۋ بەرىلگەن مەزگىلدە تاۋعا شىقپاۋعا كەڭەس بەرەدى.
ازامات قاسىم,
«ەگەمەن قازاقستان»
شىعىس قازاقستان وبلىسى