الدىن الا مالىمەتتەر بويىنشا, قازاقستاننىڭ ەۋرازيالىق ەكونوميكالىق وداق (ەاەو) ەلدەرىمەن ءوزارا ساۋدا كولەمى 2017 جىلدىڭ قاڭتار-قاراشاسىندا قارجى ەكۆيۆالەنتىمەن العاندا 15 599,2 ملن دوللاردى قۇرادى. بۇل 2016 جىلعى سايكەس مەرزىمدەگى كورسەتكىشتەرمەن سالىستىرعاندا 28 پايىزعا كوپ, دەپ حابارلايدى ۇلتتىق ەكونميكا مينيسترلىگىنىڭ ستاتيستيكا كوميتەتى.
اتالعان مەرزىمدە ەاەو ەلدەرىنىڭ ەكسپورتى قارجى ەۆيۆالەنتىمەن العاندا 4600,3 ملن دوللارعا, (بۇل الدىڭعى جىلدىڭ سايكەس مەرزىمىمەن سالىستىرعاندا 31,3% كوپ), يمپورت 10 998,9 ملن دوللارعا جەتتى (+26,7%). بۇل رەتتە, قازاقستاننىڭ ەاەو ەلدەرىمەن سىرتقى ساۋدا اينالىمىنىڭ جالپى كولەمىنىڭ 92,3 پروتسەنتى رەسەيگە, 4,2 پروتسەنتى قىرعىزستانعا, 3,5 پروتسەنتى بەلارۋس ەلىنە تيەسىلى ەكەنىن ايتا كەتۋ كەرەك.