تايلاندتا جول اپاتىنا ۇشىراعان قازاقستاندىقتاردىڭ ۇشەۋى اۋرۋحانادا ەمدەلىپ جاتىر. بۇل تۋرالى قر ءسىم ءباسپاسوز قىزمەتى حابارلادى.
مينيسترلىك تايلاندتاعى قازاقستاندىق ديپلوماتتار پحۋكەت ارالىندا جول-كولىك اپاتى سالدارىنان زارداپ شەككەن قازاقستان ازاماتتارىمەن تۇراقتى بايلانىسقا شىعىپ, قاجەتتى كومەك كورسەتىپ جاتقانىن ايتتى. «9 قاڭتار كۇنى «Hanuman World» اتتراكتسيوندار پاركى اۋماعىندا اشىق ميكرواۆتوبۋس جول اپاتىنا ۇشىراعاننان كەيىن قازاقستاننىڭ 8 ازاماتىنىڭ تورتەۋى (1945 جانە 1982 جىلدارى تۋعان ەر ادامدار مەن 1978 جانە 1993 جىلى دۇنيەگە كەلگەن ايەلدەر) ءتۇرلى جاراقاتپەن ارۋحاناعا جەتكىزىلسە, قالعان تورتەۋى جەڭىل جارالانعان.
ەكى زارداپ شەگۋشىگە وتا جاسالدى. قازىرگى ۋاقىتتا ولار جەرگىلىكتى كلينيكادا ەمدەلىپ جاتىر. اۋرۋحاناعا جاتقىزىلعان ايەلدەردىڭ ءبىرى (1993 جىلى دۇنيەگە كەلگەن) بۇگىن اۋرۋحانادان شىقتى. بارلىق زارداپ شەگۋشىنىڭ مەديتسينالىق ساقتاندىرۋى بار»,- دەدى ۆەدومستۆودان. ەسكە سالا كەتەيىك, بۇعان دەيىن تايلاندتا جول-كولىك وقيعاسىنان قازاقستاننىڭ 8 ازاماتى زارداپ شەككەندەگى تۋرالى حابارلاعان بولاتىنبىز.