بىلتىر مەملەكەتتىك باعدارلاما اياسىندا وبلىس ورتالىعىنداعى كوپقاباتتى ۇيلەرگە جىلۋ ەسەپتەگىش قۇرالدارىن قويۋ ءۇشىن 386 ميلليون تەڭگە بولىنگەن بولاتىن.
الايدا بولىنگەن قاراجاتتىڭ تولىق يگەرىلمەۋى سالدارىنان جوسپارداعى 537 ەسەپتەگىشتىڭ ورنىنا 325-ءى عانا قويىلدى.
«زاڭ بويىنشا ءار تۇتىنۋشى جىلۋ ەنەرگياسى ءۇشىن تولەمدى جىلۋ ەسەپتەگىش اسپاپتىڭ كورسەتكىشتەرىنە سۇيەنىپ جۇرگىزۋى ءتيىس. الايدا, ونىڭ تيىمدىلىگىن تۇرعىنداردىڭ ءبارى ءتۇسىنىپ وتىرعان جوق. وسى سەبەپتى مەملەكەتتىك باعدارلاما وسى جىلدىڭ قاراشا ايىنا دەيىن ۇزارتىلىپ وتىر», دەيدى «سەۆكازەنەرگوسبىت» جشس باس ديرەكتورىنىڭ مىندەتىن اتقارۋشى ماعاۋيا ساعىندىقوۆ.
رەسەيدە جاسالاتىن قۇرىلعىلاردىڭ باعاسى 700 مىڭ-900 مىڭ تەڭگە ارالىعىندا.
پەتروپاۆل قالالىق اكىمدىگى جانىنداعى پيك كەڭەسىنىڭ توراعاسى الەكساندر ۆاسيلەۆتىڭ ايتۋىنشا جىلۋ مولشەرىن اۋا رايىنا بايلانىستى رەتتەپ وتىرۋعا دا بولادى. جاڭا جىلدان باستاپ جىلۋ ەنەرگياسى ءۇشىن سارالانعان تاريف قىمباتتادى. بىلتىر ءار شارشى مەتر ءۇشىن 122 تەڭگە بولسا, قازىر 128 تەڭگەنى قۇرايدى. بىلتىر ەسەپتەگىش قۇرال ورناتقان ۇيلەر پاتەردىڭ ءار شارشى مەترىنە ورتاشا ەسەپپەن 49 تەڭگەدەن عانا ەسەپ ايىرىسقان. ۇنەمدىلىكتى بايقاماۋ مۇمكىن ەمەس. سوعان قاراماستان پەتروپاۆل قالاسىندا بارلىعى 457 كوپقاباتتى تۇرعىن ءۇي عانا ەسەپتەگىش قۇرالدارمەن قامتاماسىز ەتىلگەن.
ءومىر ەسقالي, «ەگەمەن قازاقستان»