وڭتۇستىك قازاقستان وبلىسىندا بۇگىندە 800 مىڭعا جۋىق جاستار بار. ول وبلىس حالقىنىڭ جالپى سانىنان 26 پايىزىن قۇرايدى.
وسى جاستارىمىزدىڭ 20 مىڭعا جۋىعى وڭتۇستىك وڭىرىندەگى 306 ءوندىرىس ورىندارىندا ەڭبەك ەتۋدە. ماسەلەن, «الەم بت» ش ۇلىق شىعاراتىن فابريكاداعى ۇجىمنىڭ 90 پايىزعا جۋىعى جاستاردان قۇرىلعان. ال «كەنتاۋ ترانسفورماتور زاۋىتى» اق, «قازترانسويل» اق, «قازاقتەلەكوم» اق, «بال تەكستيل» جشس, «ستاندارت تسەمەنت» جشس, «حيمفارم» اق, «اتامەكەن» كورپوراتسياسى» جشس-دەگى جۇمىسشىلاردىڭ 50 پايىزدان استامى جاستار.
بۇل «باسەكەگە قابىلەتتى – جاستار» اتتى وبلىستىق جۇمىسشى جاستار فورۋمىندا جۇمىسشى ماماندىقتارى مەن تەحنيكالىق ماماندىقتارىن ناسيحاتتاۋ بارىسىندا ءمالىم بولدى.
جالپى وبلىستا قىسقا مەرزىمدى كاسىپتىك وقىتۋ باعدارلاماسى بويىنشا ماماندىعى جوق ازاماتتار مەن ەڭبەك نارىعىنىڭ سۇرانىسىنا وراي 12 159 ازامات ماماندىق الدىق. سونىمەن قاتار, اۋىل جاستارىن قولداپ-قۋاتتاۋ ماقساتىندا وبلىس اكىمىنىڭ تاپسىرماسىمەن ء«ار اۋىلعا ءوز شەبەرى» اكتسياسى اياسىندا اۋىلدارداعى ءبىرىنشى كەزەكتەگى قاجەتتى ماماندار ءتىزىمى ناقتىلانىپ, 15 ماماندىق بويىنشا 9253 ازاماتقا كاسىپتىك ءبىلىم بەرىلسە, ولاردىڭ 5 150-ءى جاستار. ال, «باستاۋ–بيزنەس» جوباسىمەن 1 509 ازامات كاسىپكەرلىك نەگىزدەرى بويىنشا وقۋ كۋرستارىنا جولدانسا, ونىڭ ىشىندە 369-ى جاستار. بۇگىنگە دەيىن 790 ازاماتقا شاعىن نەسيە بەرىلسە, ونىڭ ىشىندە 247-ءى جاستار بولىپ تابىلادى. مۇنىڭ ءبارى ەلباسىنىڭ تەگىن كاسىپتىك-تەحنيكالىق ءبىلىم الۋدى جۇزەگە اسىرۋ تاپسىرماسى بويىنشا ورىندالۋدا.
بۇدان بولەك, وبلىستا جاستار پراكتيكاسىمەن 14 689 جاس تۇراقتى جۇمىسپەن قامتىلدى. ال «ديپلوممەن اۋىلعا» باعدارلاماسىمەن وسى ۋاقىتقا دەيىن 6 مىڭنان استام مامان جۇمىسقا ورنالاستى. 2017 جىلى رەسپۋبليكا بويىنشا 3232 جاس مامانعا تۇرعىن ءۇي بەرۋ جوسپارلانسا, ونىڭ ىشىندە 9,3 پايىزى نەمەسە 303-ءى وڭتۇستىكتىڭ ۇلەسىندە. ال رەسپۋبليكا كولەمىندە 5 896 جاس مامانعا ءبىر جولعى كوتەرمەلەۋ جاردەماقىسى تولەنسە, ونىڭ ىشىندە 15,2 پايىزى نەمەسە 897-ءسى وسى وبلىستىڭ جاستارى. سونداي-اق, 315 جاسقا تۇرعىن ءۇي بەرىلدى.
سونىمەن قاتار جاستار اراسىنداعى شاعىن كاسىپكەرلىكتى دامىتۋ ءۇشىن «ىرىس» ميكرو قارجى ۇيىمى 100 ملن. تەڭگە كولەمىندە كەپىلسىز نەسيە بەرىلدى. بۇل كەمىندە 50 جاستىڭ ءوز كاسىبىن اشۋعا مۇمكىندىك تۋعىزدى.