شىمكەنت قالاسىنداعى وبلىستىق ورىس دراما تەاترىندا جىل قورىتىندىسى بويىنشا ءار سالادا جەمىستى ەڭبەك ەتكەن, حالىققا ساپالى قىزمەت كورسەتۋدە ابىروي بيىگىنەن كورىنگەن ازاماتتارعا «جىل ۇزدىگى» نوميناتسيالارىن تاپسىرۋ سالتاناتى ءوتتى.
شاراعا قاتىسقان وبلىس اكىمى ج.تۇيمەباەۆ جىل بويى اتقارعان ءىستى باعالاپ, سول جولدا جەمىستى ەڭبەك ەتكەن ازاماتتار مەن ەڭبەك ۇجىمدارىن 52 اتالىم بويىنشا ماراپاتتاپ, قۇتتىقتادى.
«قازاقىلىقتىڭ قايماعى بۇزىلماعان ءوڭىر – وڭتۇستىك قازاقستان وبلىسى جىلدان جىلعا وركەندەپ كەلەدى. بۇل ۇلت كوشباسشىسى نۇرسۇلتان ءابىش ۇلى نازارباەۆتىڭ سارابدال ساياساتىنىڭ جانە بارشا قازاقستاندىقتاردىڭ قاجىرلى ەڭبەگىنىڭ جەمىسى. ەلباسىمىز ءوزىنىڭ رۋحاني جاڭعىرۋ جونىندەگى باعدارلامالىق ماقالاسىندا «باسەكەلىك قابىلەت دەگەنىمىز – ۇلتتىڭ ايماقتىق نەمەسە جاھاندىق نارىقتاعى باعاسى, بولماسا ساپاسى جونىنەن وزگەلەردەن ۇتىمدى دۇنيە ۇسىنا الۋى. بولاشاقتا ۇلتتىڭ تابىستى بولۋى ونىڭ تابيعي بايلىعىمەن ەمەس, ادامدارىنىڭ باسەكەلىك قابىلەتىمەن ايقىندالادى» دەپ اتاپ كورسەتكەن بولاتىن. سىزدەر ءوز سالالارىڭىزدا قاجىرلى ەڭبەك ەتىپ, تاباندىلىق تانىتىپ, شىعارماشىلىق ىزدەنىستەرىڭىزدىڭ ءورىسىن كەڭەيتە بىلدىڭىزدەر. وسى ىزگى قاسيەتتەرىڭىزدىڭ ارقاسىندا جۇزدەن جۇيرىك, مىڭنان تۇلپار اتاندىڭىزدار. وسىناۋ جەتىستىكتەرىڭىزبەن شىن جۇرەكتەن قۇتتىقتايمىن», - دەدى جانسەيىت قانسەيىت ۇلى.
جىل ۇزدىكتەرىنىڭ قاتارىندا سازگەر مۇحتار قۇرالوۆ «جىلدىڭ ۇزدىك كومپوزيتورى», ايتىسكەر اقىن جارقىنبەك ناۋشابەكوۆ «جىلدىڭ ۇزدىك اقىنى», دۋلات تۇرانتەگى «جىلدىڭ ۇزدىك جازۋشىسى», «بورتە ميلكا» جشس-نىڭ ديرەكتورى نۇرالى ابىشەۆ «ۇزدىك يننوۆاتسيالىق جوبا», «پەترو كازاحستان ويل پروداكس» جشس-نىڭ ديرەكتورى تسزيان شي «جىلدىڭ ۇزدىك ينۆەستورى» اتالىمىن جەڭىپ الدى.
سونداي-اق, قازاقستان سۋرەتشىلەر وداعىنىڭ وبلىستىق فيليالىنىڭ توراعاسى نۇرلان شيلىباەۆ «جىلدىڭ ۇزدىك سۋرەتشىسى», «NAR TV» تەلەارناسىنىڭ ديرەكتورى ەرسۇلتان امىربەك «جىلدىڭ ۇزدىك ءجۋرناليسى», شىمكەنت ۋنيۆەرسيتەتىنىڭ اعا وقىتۋشىسى ايجارقىن سادىقبەكوۆا «جىلدىڭ ۇزدىك عالىمى», كەنتاۋ قالالىق №3 ء«بىلىم-يننوۆاتسيا» ەر بالالار ليتسەي-ينتەرناتىنىڭ مۇعالىمى عاني ورىنباساروۆ «جىلدىڭ ۇزدىك ۇستازى», شىمكەنت قالالىق №2 وبلىستىق پەريناتالدىق ورتالىعىنىڭ ءبولىم مەڭگەرۋشىسى گۇلنار المەنوۆا «جىلدىڭ ۇزدىك دارىگەرى», بوكستان الەم چەمپيونى قايرات ەراليەۆ «جىلدىڭ ۇزدىك سپورتشىسى» اتاندى. جىل قورىتىندىسىمەن ۇزدىك دەپ تانىلعاندارعا وبلىس اكىمىنىڭ ديپلومى مەن ەستەلىك كادەسىيلار تابىستالدى.
سالتاناتتى جيىن بارىسىندا سونىمەن قاتار, ءىى دارەجەلى «دوستىق» وردەنىمەن «سوبكور», «رابات رەداكتسياسى» جانە «Dاتا» جشس-نىڭ ديرەكتورى ۆالەنتينا كۋليكوۆا, «قۇرمەت» وردەنىمەن «ياسسى» كونسورتسيۋمىنىڭ توراعاسى ۇمبەت جۇسىپباەۆ, «وبلىستىڭ قۇرمەتتى ازاماتى» اتاعىمەن دوسىم سۇلەەۆ, اسىلى وسمان, سەرىكجان سەيىتجانوۆ, ومىرزاق مەلدەحانوۆ, ورىنباي دايىربەكوۆتەر ماراپاتتالدى. ال, «وبلىسقا ەڭبەك سىڭىرگەنى ءۇشىن» مەدالى جۇمابەك ەسىموۆكە تابىستالدى.
سونداي-اق, مەرەكەلىك شارادا ەلباسىنىڭ «بولاشاققا باعدار: رۋحاني جاڭعىرۋ» ماقالاسى شەڭبەرىندە جىل بويى ۇيىمداستىرىلعان «تۋعان جەر – التىن بەسىگىم» وبلىستىق فەستيۆالىنىڭ جەڭىمپازدارى ماراپاتتالدى. باس جۇلدەنى يەمدەنگەن تولەبي اۋدانىنا گازەل اۆتوكولىگىنىڭ كىلتى تابىستالسا, العاشقى ۇشتىكتەن كورىنگەن سوزاق, بايدىبەك, وتىرار اۋداندارى جەڭىل اۆتوكولىكتەردى يەمدەندى. سونىمەن بىرگە وسى باعدارلامالىق ماقالاسىندا ايتىلعان «قازاقستانداعى 100 جاڭا ەسىم» جوباسىنا وڭتۇستىك قازاقستان وبلىسىنان ەنگىزىلگەن ازاماتتاردا قوشەمەتكە يە بولدى.
سالتاناتتى شارا جەرگىلىكتى ونەرپازدار دايىنداعان مەرەكەلىك كونتسەرتپەن جالعاستى.