ەلوردادا التى بالاباقشا قۇرىلىسى باستالدى

استانادا الەۋمەتتىك ماڭىزى بار نىسانداردىڭ قۇرىلىسى جالعاسىپ جاتىر. بۇگىندە مەملەكەتتىك-جەكەمەنشىك ارىپتەستىك بويىنشا 1 680 ورىنعا ارنالعان التى بالاباقشانىڭ قۇرىلىسى باستالدى (پايدالانۋعا 2019 جىلى بەرىلەدى). 2020 جىلعا قاراي 3-تەن 6 جاسقا دەيىنگى بالالاردى 100 پايىز قامتۋ جوسپارلانۋدا.

قازىرگى تاڭدا مەكتەپكە دەيىنگى ءبىلىم مەكەمەلەرىمەن قامتۋ 28,2% قۇرايدى. (بىلتىر 70,6% بولعان). 2017 جىلى تۋ سانىنىڭ ءوسۋى مەن كوشى-قوننىڭ ەسەبىنەن حالىقتىڭ اعىلىپ كەلۋىنە بايلانىستى بالالاردى مەكتەپكە دەيىنگى بىلىممەن قامتۋ جانە تاربيەلەۋ ءۇشىن ەكى مەملەكەتتىك بالاباقشانىڭ قۇرىلىسى اياقتالدى.

تاعى دا مەملەكەتتىك-جەكەمەنشىك سەرىكتەستىك اياسىندا 980 ورىنعا ارنالعان ەكى بالاباقشا پايدالانۋعا بەرىلەتىنى جوسپارلانۋدا. وسى جىلى قازان ايىندا 79 جەكەمەنشىك بالاباقشاعا 9 076 ورىنعا مەملەكەتتىك تاپسىرىس بەرىلىپ, قوسىمشا 300 ملن تەڭگە ءبولىندى. جالپى العاندا جەكەمەنشىك بالاباقشاعا مەملەكەتتىك تاپسىرىس ءۇشىن 2,7 ملرد تەڭگە ءبولىندى.