ەكسپو كورمەسىندە گرۋزيا ۇلتتىق كۇنىنىڭ سالتاناتتى اشىلۋىنان كەيىن بىردەن ماجىلىسكە كەلگەن مارتەبەلى مەيمانعا ن.نىعماتۋلين حالىقارالىق كورمەگە كورسەتكەن قولداۋى ءۇشىن العىسىن جەتكىزدى. بيىل ەكى ەل اراسىندا ديپلوماتيالىق قارىم-قاتىناستىڭ ورناعانىنا 25 جىل تولادى. وسى ۋاقىت ارالىعىندا قوس مەملەكەت اراسىندا سىندارلى بايلانىس ورناپ, ول جىل سايىن تەرەڭدەپ كەلەدى. ءماجىلىس سپيكەرى اتاپ وتكەندەي, گرۋزيا پرەزيدەنتىنىڭ بۇل جولعى ساپارى ءوزارا ىنتىماقتاستىققا تىڭ سەرپىن بەرەتىن بولادى. ن.نىعماتۋلين قازاقستان پرەزيدەنتى نۇرسۇلتان نازارباەۆ گرۋزيامەن تاتۋ كورشىلىك, دوستىق, تاريحي تامىرلاستىق اياسىندا بارلىق سالاداعى ىنتىماقتاستىقتى تەرەڭدەتۋگە ەرەكشە نازار اۋداراتىنىن العا تارتا كەلىپ, ساياسي, ساۋدا-ەكونوميكالىق, مادەني-گۋمانيتارلىق سالالارداعى تۇراقتى دامۋ ۇدەرىسىن ءسوز ەتتى. ەكونوميكالىق ىقپالداستىق توڭىرەگىندە پالاتا توراعاسى وتكەن جىلى ەكى ەل اراسىنداعى سىرتقى ساۋدا اينالىمىنىڭ 41 ملن دوللاردى قۇراعانىن ايتىپ, ەكى ەل الەۋەتىن ەسكەرە وتىرىپ, ساۋدا اينالىمىن ارتتىرۋ قاجەتتىلىگىنە توقتالدى. سونىمەن بىرگە, ءماجىلىس توراعاسى گرۋزيانىڭ ادجاريا مەن ماڭعىستاۋ وبلىسى اراسىندا تىكەلەي ەكونوميكالىق بايلانىستار ورناتۋ باستاماسىنىڭ ماڭىزدىلىعىنا توقتالىپ, ءماجىلىس ەكى ەلدىڭ ءتيىمدى ىنتىماقتاستىعىن ءتيىستى زاڭنامالىق قۇجاتتارمەن قولداۋعا دايىن ەكەنىن ءبىلدىردى. ءوز كەزەگىندە گرۋزيا پرەزيدەنتى قازاقستانعا جەتكەن ساتتەن باستاپ كورسەتىلگەن قوناقجايلىلىق ءۇشىن شەكسىز ريزاشىلىق ءبىلدىرىپ, ەكى ەل اراسىنداعى ىنتىماقتاستىقتى كۇشەيتۋدىڭ مۇمكىندىگى زور ەكەنىن اتاپ ءوتتى. گەورگي مارگۆەلاشۆيليدىڭ پىكىرىنشە, وسى جولدا پارلامەنتارالىق ارىپتەستىكتىڭ ءرولى وتە زور. ايتا كەتەيىك, پارلامەنت ماجىلىسىندە دەپۋتات م.ايسينا جەتەكشىلىك ەتەتىن گرۋزيامەن ىنتىماقتاستىق جونىندەگى پارلامەنتارالىق توپ جۇمىس ىستەيدى.
ءماجىلىس توراعاسى نۇرلان نىعماتۋلين قازاستانعا رەسمي ساپارمەن كەلگەن گرۋزيا پرەزيدەنتى گەورگي مارگۆەلاشۆيليمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.