تەلەفون, سەنسورلى ەكران, راديوحابارلاما, ۆيدەوكونفەرەنتسيا, رەنتگەن, IMAX-تەحنولوگيا. بۇل - الەمدىك كورمەلەردە تانىستىرىلعان ماڭىزدى يننوۆاتسيالار. 1851 جىلى العاش رەت وتكەن بارلىق حالىقتاردىڭ وندىرىستىك جۇمىستار كورمەسىنەن بەرى كوپ نارسە وزگەردى. اسىرەسە, قالالار كورمە برەندىنە اينالدى. 10 ماۋسىم كۇنى قازاقستاننىڭ استانا قالاسىندا ەكسپو-2017 اشىلدى. بۇل كورمەدەن نە كۇتۋگە بولادى؟
بۇل مۇلدەم باسقا قالا
قازاقستان ۇيىمداستىرىپ جاتقان ەكسپو-2017 كورمەسىنە بىرىنشى مارتەبەسىن بەرۋگە لايىق تۇستارى كوپ. قازاقستان ورتالىق ازيادا جانە پوستكەڭەستىك ەلدەر اراسىندا ءبىرىنشى بولىپ الەمدىك كورمەنى وتكىزىپ جاتىر. باتىس ەۋروپا مەن سولتۇستىك امەريكادا كورمەنى وتكىزۋ مودەلى وزگەردى.
ەكسپو-2017 ورتالىق ازيانى ارالاۋعا مۇمكىندىك بەرەدى. مۇندا ەجەلدەن كوشپەندى حالىقتار قونىستانعان. جىبەك جولى ەۋروپا مەن ازيا اراسىنداعى تاۋار اينالىمى مەن يدەيالار الماسۋعا سەپ بولدى.
ەكسپو-2017 – 1991 جىلى تاۋەلسىزدىگىن العان, مەملەكەتتىڭ بىرەگەيلىگىن بەلسەندى ناسيحاتتايتىن ۇلتتى تانۋ مۇمكىندىگى.
ەكسپو-2017 الاڭىنان كوپ نارسە كورۋگە بولادى
استانا – ەرەكشە قالا. جازىق دالادا جاڭادان سالىنعان قالادا الەمگە تانىمال ارحيتەكتورلار سالعان ەرەكشە اسەرلى عيماراتتار بار. ولار قالانىڭ فۋتۋريستىك ايبىنىن كورسەتىپ تۇر.
كورمەگە بارعاندار بايتەرەك, بەيبىتشىلىك جانە كەلىسىم سارايى, پرەزيدەنت سارايىن, سونىمەن قاتار مەشىت, مۋزەيلەردى, تۇندە جاناتىن فونتاندى تاماشالاي الادى. استانا كەڭ اۋقىمدى مادەني جانە ويىن-ساۋىق شارالارىن ۇيىمداستىرعان. ولاردىڭ قاتارىندا ءتۇرلى سپورتتىق شارالار, كورمەلەر مەن كونتسەرتتەر بار. شوپپينگتى سۇيەتىندەر تانىمال بريتان ارحيتەكتورى نورمان فوستەر سالعان الەمدەگى ەڭ ۇلكەن شاتىر – حان-شاتىرىن ارالاي الادى. بۇل ءۇش قاباتتى كەشەندە ءتۇرلى برەندتەر مەن مالديۆ ارالدارىنان اكەلىنگەن قۇمى بار جابىق جاعاجاي بار. سونىمەن قاتار استانانىڭ اسحاناسى دا كەز كەلگەن ادامنىڭ كوڭىلىنەن شىعارى ءسوزسىز.
Urban Lifestyle 101: كوپ مۇمكىندىك
لوگيستيكا – قالا دامۋىنىڭ جۇرەگى. استانادا جاڭا اۋەجاي جانە تەمىر جول ۆوكزالى بار, قوعامدىق كولىكتەر قىزمەت كورسەتەدى. سونداي-اق كەز كەلگەن ادام ءوز ىڭعايىنا قاراي قوناق ۇيلەر تاڭداۋىنا دا مۇمكىندىك كوپ.
جاسىلداندىرۋ مەن قالانى اباتتاندىرۋعا بايلانىستى جوبالار ماقتاۋعا تۇرارلىق. بىراق جاياۋ جۇرگىنشىلەردىڭ ماسەلەلەرى سىنعا ۇشىراپ, ءالى دە رەتتەۋدى قاجەت ەتەدى.
«بولاشاقتىڭ ەنەرگياسى» تاقىرىبى ەرەكشە ديسكۋرس تۋعىزادى
الەم پاريج كليمات كەلىسىمىن تالقىلاپ جاتقاندا, قازاقستان وعان لايىقتى ورىن بولا الادى. پايدالى قازبالار مەن مۇناي قازاقستان ەكونوميكاسىنىڭ قوزعاۋشى كۇشى. مۇناي بەن گازدىڭ ءىرى ەكسپورتشىسى سانالاتىن مەملەكەت استاناسىن دا جاڭادان سالعانى تۇسىنىكتى.
بىراق قازاقستان سوڭعى ونجىلدىقتاردا قايتا جاڭارتىلاتىن ەنەرگيا كوزدەرىنە باسىمدىق بەرۋدە. مىسالى, مەملەكەت سىبايلاس جەمقورلىق, زاڭگەرلىك قاتەرگە بايلانىستى بىرنەشە حالىقارالىق ۇيىمدارمەن كەلىسىم جاساعان. ال 2013 جىلى جاڭارتىلاتىن ەنەرگيا كوزدەرىن 2050 جىلعا دەيىن ارتتىرۋ تۋرالى امبيتسيالى شەشىم قابىلداپتى. ال الەم بويىنشا ەنەرگەتيكالىق نوۋ-حاۋىمەن تانىلعان 100 مەملەكەتتىڭ باسشىلارى, شانحاي ىنتىماقتاستىق ۇيىم وكىلدەرىنىڭ استانادا جينالۋى قازاقستاندى الەمدىك ساياساتتىڭ ماڭىزدى بولىگىنە اينالدىردى.
ەڭ وزىق تەحنولوگيالىق جاڭالىقتارعا كۋا بولىڭىز
الەمدىك كورمەلەر قوعام بولاشاعىنا پايدالى عىلىم مەن تەحنيكانىڭ الاڭىنا اينالعالى قاشان. ولاردىڭ قاتارىندا ەكسپو-2017 دە بار. بۇل جولى جاڭارتىلاتىن ەنەرگيا كوزدەرىنىڭ ەڭ جاڭا زەرتتەۋلەرىمەن تانىسۋعا مۇمكىندىك تۋىپ تۇر. جەل, كۇن, بيوماسسا مەن كوسموس, كينەتيكالىق ەنەرگيا جوبالارى ۇلتتىق جانە كورپوراتيۆتى پاۆيلونداردا ۇسىنىلعان. مىسالى, كليمات ساراپشىلارى مەن نوبەل سىيلىعىنىڭ لاۋرەاتتار كوميتەتى تاڭداعان 13 مەملەكەتتىڭ 24 جوباسى ۇسىنىلعان پاۆيلوندى ەرەكشە اتاپ وتۋگە بولادى. بۇقارالىق اقپارات قۇرالدارىن دۇرلىكتەرگەن يدەيالار اراسىندا كۇن يمپۋلسى بار. Glowee شۆەتساريالىق كۇن قوزعالتقىشى – تەڭىز ميكرواعزالارى مەن Bioo قۇرالىن قولدانا وتىرىپ بيولوگيالىق جارىق كوزىن الۋعا ارنالعان جوبا. ول وسىمدىكتەردىڭ فوتوسينتەزىنەن ەلەكتر جارىعىن الادى. وسى سەكىلدى باسقا دا جوبالار كوممەرتسيالاۋعا تۇرارلىق دۇنيەلەر. يننوۆاتسيا مەن تەحنولوگيالىق دامۋ جىلدامدىعىن ەسكەرسەك, جوبالاردىڭ كوپشىلىگى جاقىندا نارىققا شىعۋى مۇمكىن. ال ءسىز ولارمەن بارىنەن بۇرىن تانىسا الاسىز!
اۆتور: Stephan Rabimov
اۋدارعان گۇلنۇر قۋانىشبەكقىزى,
«ەگەمەن قازاقستان»
سۋرەتتى تۇسىرگەن ەرلان وماروۆ,
"ەگەمەن قازاقستان"