ولاردىڭ جەتەۋى «التىن بەلگىگە», بىرەۋى ەرەكشە ۇلگىدەگى اتتەستاتقا يە بولدى. ال 15 وقۋشى جوعارى وقۋ ورىندارىنا گرانت ۇتىپ الدى.
«ۇكىمەتتىڭ شەشىمى بويىنشا نازارباەۆ زياتكەرلىك مەكتەبىنىڭ تۇلەكتەرى ەمتيحان تاپسىرمايدى. بىراق ءبىزدىڭ سىرتقى جيىنتىق باعالاۋىمىز A-level الەمدەگى ەمتيحاننىڭ دارەجەسىمەن بىردەي. ءبارى دە سىننان سۇرىنبەي ءوتىپ, جاقسى ناتيجە كورسەتتى», دەيدى حيميا-بيولوگيا باعىتىنداعى ءبىلىم وشاعىنىڭ ديرەكتورى نۇرعالي ەلشىبەكوۆ.
كاميلا الىمباەۆانىڭ جۇزىنەن ەرەكشە تولقىنىس بىلىنەدى. ول گونكونگتە تۋريزم جانە قوناقۇي مەنەدجمەنتى ماماندىعى بويىنشا وقيتىنىنا اسا قۋانىشتى. الماز جامبىروۆ ۆەنگريادا وقيتىن بولىپ شەشكەن. ارمانى – ينجەنەر-قۇرىلىسشى بولۋ.
قولدارىنا اتتەستات العان العاشقى تۇلەكتەرگە ارناپ كونتسەرتتىك باعدارلاما ۇسىنىلدى. فلەش-موب ۇيىمداستىرىلدى.
ءومىر ەسقالي, «ەگەمەن قازاقستان»