ەلشى بۋركينا-فاسو كوشباسشىسىنا قازاقستان پرەزيدەنتى نۇرسۇلتان نازارباەۆتىڭ 2017 جىلعى 10-11 قىركۇيەكتە استانا قالاسىندا وتەتىن يسلام ىنتىماقتاستىعى ۇيىمىنىڭ عىلىم جانە تەحنولوگيالار جونىندەگى ءبىرىنشى سامميتىنە شاقىرۋىن تابىستادى. ەلشى الەۋمەتتىك-ەكونوميكالىق دامۋ, عىلىمي-تەحنيكالىق پروگرەسس, مودەرنيزاتسيالاۋ جانە كەدەيشىلىكپەن كۇرەسۋ سياقتى يسلام الەمىنىڭ وزەكتى ماسەلەلەرىن بىرلەسىپ شەشۋ جولدارىن قاراستىراتىن فورۋمنىڭ جۇمىسىنا بۋركينا-فاسونىڭ قاتىسۋى وتە ماڭىزدى ەكەنىن اتاپ ءوتتى.
ر.م. كابورە شاقىرۋدى ريزاشىلىقپەن قابىل الىپ, ءوز ەلىنىڭ استانا سامميتىنە جوعارى دەڭگەيدە قاتىساتىنىن راستادى. ول كازاقستاندى بۋركينا-فاسو ءۇشىن جان-جاقتى قاتىناستاردى دامىتۋدى جانە نىعايتۋدى قاجەت ەتەتىن ورتالىق ازياداعى دوستاس ءارى ماڭىزدى مەملەكەت دەپ قابىلدايدى جانە ونىمەن قارىم-قاتىناستاردى دامىتىپ, نىعايتۋ قاجەت دەپ ەسەپتەيدى.
پرەزيدەنت سونداي-اق, قازاقستاندا ۇيىمداستىرىلاتىن فورۋمنىڭ دەر كەزىندە قولعا الىنعاندىعىن ءارى وزەكتى ماسەلە ەكەندىگىن اتاپ ءوتتى. سونىمەن قاتار, ول قازاقستاننىڭ حالىقارالىق ارەنادا ماڭىزدى ءرول اتقاراتىنىن, ەلدىڭ وڭىرلىك جانە الەمدىك دەڭگەيدەگى ماسەلەلەردى شەشۋ ىسىنە قوماقتى ۇلەس قوسىپ كەلە جاتقاندىعىن ايتتى.