قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆ ۇكىمەت ۇيىندە بىرىككەن ۇلتتار ۇيىمىنىڭ ونەركاسىپتىك دامۋ جونىندەگى ۇيىمىنىڭ (يۋنيدو) باس ديرەكتورى يۋن ليمەن كەزدەسۋ وتكىزدى.
كەزدەسۋ بارىسىندا قازاقستان ۇكىمەتى مەن يۋنيدو اراسىنداعى ارنايى كەلىسىم اياسىندا مەملەكەت باسشىسى ن. نازارباەۆتىڭ بەس ينستيتۋتسيونالدىق رەفورمالارىن, قازاقستان ەكونوميكاسىن جەدەل تەحنولوگيالىق جاڭعىرتۋدى, يندۋستريالدى-يننوۆاتسيالىق دامۋ مەملەكەتتىك باعدارلاماسىن ىسكە اسىرۋداعى ىنتىماقتاستىق ماسەلەلەرى تالقىلاندى.
سونداي-اق, قازاقستاننىڭ ونەركاسىپتىك ستاتيستيكا, ونەركاسىپتىك بىرىگۋ جانە ونەركاسىپتىڭ قورشاعان ورتاعا تيگىزەتىن جاعىمسىز اسەرىن تومەندەتۋ سەكىلدى سالالاردا يۋنيدو-نىڭ وڭىرلىك جوبالارىنا قاتىسۋىن جالعاستىرۋ ماسەلەلەرى قارالدى.
ەكسپو-2017 كورمەسىنە ەرەكشە نازار اۋدارىلدى, تاراپتار, سونىڭ ىشىندە, ەكسپو بازاسىندا حالىقارالىق «جاسىل» تەحنولوگيالار ورتالىعى مەن «بولاشاق ەنەرگياسى» ينۆەستيتسيالىق جوبالارىن قۇرۋ بويىنشا بىرلەسكەن جۇمىستارعا دايىندىق بارىسىن تالقىلادى.