تۇركىستان تورىندەگى تاعىلىمدى كورمە

تۇڭعىش پرەزيدەنت كۇنى قارساڭىندا اشىلدى ماعجان اقىن «تۇركىستان – ەر تۇرىكتىڭ بەسىگى عوي» دەپ جىرعا قوسقان كيەلى شاھاردا «ازىرەت سۇلتان» مەملەكەتتىك تاريحي-مادەني قورىق-مۇراجايى قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا «تۇركىستان جانە ەلباسى» كورمەسىنىڭ اشىلۋ ءراسىمىن وتكىزدى. قورىق-مۇراجاي يە­لى­گىندەگى قوجا احمەت ياساۋي كەشەنىندە كيىز تۋىرلىقتى قازاقتى ءوز الدىنا ەل قىلۋعا ەڭبەك سىڭىرگەن, تاريحتا ورنىن بەلگىلەگەن قاسىم حان, ەسىم حان, تاۋكە حان جانە ابىلاي حان سىندى ارداقتىلارىمىز ماڭگى تىنىشتىق تاۋىپ جاتىر. تاعدىر تەزى قازاقتى بوداندىقتان قۇتقارمادى. ابىلاي حان اتويلاپ اتقا مىنگەن كەزەڭنەن سوڭ ەكى ءجۇز جىلدان استام بوداندىق قامىتىن كيگەن قازاقتىڭ ءوز الدىنا ازات ەل بولىپ, تاۋەلسىزدىگىن العانىنا شيرەك عاسىر عانا بولدى. «تۇركىستان جانە ەلباسى» كورمەسىندە ەلىمىزدىڭ قيلى تاريحى وتكەنمەن استاسىپ وسىلاي ورىلەدى. ءبىز «ازىرەت سۇلتان» مەم­­لە­كەت­تىك تاريحي-مادەني قورىق مۇراجايى­نىڭ ديرەك­تورى جاندوس ءابۋبا­كىر­دەن اتالعان كورمەنىڭ ءما­نى مەن تاعىلىمى تۋرالى قىسقا­شا ايتىپ بەرۋىن ءوتىن­گەن ەدىك. «ەلىمىز تاۋەلسىزدىگىنە ەن­دى قول جەتكىزىپ, ەگەمەن مەم­لەكەت رەتىندە ەڭسەسىن تىك­تەپ جاتقان جاۋاپتى كە­زەڭدە ەلباسى تۇركىستان قا­لاسىنىڭ ابىرويىن اس­قاقتاتار, كۇللى تۇركى جۇر­تىنىڭ باسىن قوسۋعا باعىت­تالعان جوبالاردى بەكىتتى. تۇڭعىش رەت كيەلى مەكەننەن قوجا احمەت ياساۋي اتىن­داعى حالىقارالىق قازاق-تۇرىك ۋنيۆەرسيتەتى اشىل­دى. سونىمەن قاتار, كەسە­نەنىڭ كورىك-كەلبەتىن قال­پىنا كەلتىرۋگە كۇش جۇ­مىلدىرىپ, 2000 جىلى ءتۇر­كىستان قالاسىنىڭ 1500 جىل­دىق مەرەيتويىن يۋنەسكو دەڭگەي­ىن­دە اتاپ وتۋگە بارلىق جاعداي­دى جاسادى. ەلبا­سىمىزدىڭ قاسيەتتى شا­ھار­عا ءار ساپارى جاقسى جاڭالىعى­مەن جانعا جەبەۋ, ويعا دەمەۋ بولىپ كەلەدى». «ازىرەت سۇلتان» مەم­­لە­كەتتىك تاريحي-ءما­دەني قورىق مۇ­را­جايىنىڭ ديرەكتورى جاندوس ءابۋ­باكىر وسىلاي دەدى. كورمە ەكسپوزيتسياسىنا قورىق-مۇراجاي قورىنان 50-دەن استام جادىگەر قويىلىپتى. ونىڭ ىشىندە 1985 جىلى قازاق كسر مينيسترلەر كابينەتىنىڭ توراعاسى ەگەمەن, تاۋەلسىز قازاقستاننىڭ تۇڭعىش پرە­زيدەنتى تۇسىنداعى, باۋىرلاس تۇرىك رەسپۋبليكاسىنىڭ پرەزي­دەنت­تەرى تۇرعىت ءوزال, سۇلەيمەن دەمي­رەل, احمەت سەزار, ابدۋللا گۇل, رەجەپ ەردوعان, وزبەكستان رەسپۋب­ليكاسىنىڭ پرەزيدەنتى ي.كاري­موۆپەن تۇركىستانداعى رەسمي كەڭەستەرى مەن ەلباسى ن.ءا.نازارباەۆتىڭ قازاق, ورىس, اعىلشىن, تۇرىك تىلدەرىندە جارىق كورگەن «عاسىرلار توعىسىندا», «تاريح تولقىنىندا», «سىندارلى ون جىل», «قازاقستان جولى», «كازاح­ستانسكي پۋت», «بەيبىت­شىلىك كىندىگى», «تۋعان ەلىم – تىرەگىم», «ەۆرازيسكي سويۋز: يدەي, پراكتيكا پەرسپەكتيۆى», «Ku­tup Yildizi», «Nursultan Nazar­bayev» اتتى جارىق كورگەن كىتاپ­تارى جۇرتشىلىققا ۇسىنىلعان. «ازىرەت سۇلتان» مەملەكەتتىك تاريحي-مادەني قورىق-مۇراجايى­نىڭ تۇراقتى ەكسپوزيتسياسىندا ەلباسى ن.ءا.نازارباەۆتىڭ قورىق-مۇراجايعا تابىس ەتكەن قۇران كارىم كىتاپتارى, قازاقى ويۋمەن ناقىشتالعان زەرلى شاپانى تۇر. كورمەنى تاماشالاۋعا جۇرت­شىلىق كوپتەپ كەلۋدە. ولاردىڭ قاتار­ىندا ياساۋي كەسەنەسىندەگى ۇلى ارۋاقتارعا زيارات ەتىپ كەلگەندەر دە بار. باقتيار تايجان, «ەگەمەن قازاقستان» وڭتۇستىك قازاقستان وبلىسى