تاۋەلسىزدىكتى نىعايتۋدىڭ باستى شارتتارىنىڭ ءبىرى ەلدىڭ بىرلىگىن, حالىقتىڭ ىنتىماعىن, ءوزارا تۋىستىعىن, ءبىر-ءبىرىن سىيلاۋىن قامتاماسىز ەتۋ بولىپ تابىلادى. مۇنى جۇزەگە اسىرۋدىڭ بىردەن-ءبىر جولى – جاس ۇرپاقتى ۇلتىنا, جىنىسىنا, ءتۇر-تۇسىنە, ءدىني سەنىمىنە, جاس ەرەكشەلىگىنە قاراماستان, ولاردىڭ ورتاق وتانى – قازاقستانعا دەگەن ىستىق ىقىلاسىن, سۇيىسپەنشىلىگىن, قۇرمەتتەۋ-قاستەرلەۋ سەزىمىن قالىپتاستىرۋ كەرەك. بۇل – جاستاردىڭ ەلىنە, جەرىنە, ورتاق ۇيىنە – وتانىنا دەگەن شەكسىز بەرىلگەندىگىن, ءپاتريوتيزمىن قالىپتاستىرۋ دەگەندى بىلدىرەدى.
پاتريوتتىق تۋا بىتكەن قاسيەت ەمەس, ول ءبىر كۇننىڭ, ءبىر جىلدىڭ جەمىسى دە ەمەس. ول تاربيە ارقىلى بالاباقشادا, وتباسىندا, مەكتەپتە, جوعارى وقۋ ورنىندا, جۇمىس ىستەگەن ۇجىمدا, ءبىر سوزبەن ايتقاندا, الەۋمەتتىك ورتادا قالىپتاسادى. «تاربيە باسى – تال بەسىك» دەگەن ماقالدىڭ تامىرىنا ءبىر ءسات ۇڭىلسەك, سول كوپ سالالى تاربيەنىڭ ەڭ باستىسى: وتباسىندا – وتاندى سۇيەتىن, ادامگەرشىلىگى مول, ەڭبەكقور, ءوز وتانىنا, حالقىنا ادال قىزمەت ەتۋگە دايىن سانالى دا ساپالى ازامات تاربيەلەۋ. سونىمەن بىرگە, قازاقتىڭ ءاربىر ۇل-قىزى ءوز حالقىنىڭ تەگىن, تاريحىن بىلگەندە عانا ناعىز پاتريوت بولا الادى. وسى ورايدا, ەلىمىزدىڭ مەملەكەتتىك رامىزدەرىن, ولاردىڭ تەرەڭ ماعىنالىق سيپاتىن ءبىلىپ, قاستەرلەۋ – حالىقتى باۋىرمالدىققا, سۇيىسپەنشىلىككە بىرىكتىرەدى, بىرلىككە, ىنتىماققا, ەڭبەككە جۇمىلدىرادى, پاتريوتتىق رۋحىن كوتەرۋگە شاقىرادى دەگەن تۇجىرىمدار مەنىڭ سانامدا بەرىك ورىن الادى.
بۇگىنگى كۇنى جاس ۇرپاققا ءبىلىم مەن تاربيە بەرۋدىڭ باستى ماقساتى - وتاننىڭ لايىقتى ۇلدارىن قالىپتاستىرۋ بولىپ وتىر. وتانشىل بولۋ – ءبىر-بىرىڭە باۋىرمال بولۋ. «جاقىنىڭدى جاتتاي سىيلا, جات جانىنان ءتۇڭىلسىن» دەيدى دانا حالقىمىز. «ءبىرىڭدى قازاق, ءبىرىڭ دوس كورمەسەڭ, ءىستىڭ ءبارى بوس» دەيدى كەمەڭگەر اباي. تۇيسىگى بار ادامعا وسىدان ارتىق ايتىلار اقىل بولماس. ىنتىماعى جاراسقان ەلدى كورگەندە, جاۋدىڭ قۇتى قاشادى. بىرلىگىمىز باردا تاس قامالداي بەرىكپىز. ءۇش عاسىر بويىنا كىسى قولىنا تەلمىرگەن قازاق حالقى بار مۇددەسىن تەك وسى باستان كەشىپ وتىرعان قازىرگى كەزەڭدە عانا, ءوزىنىڭ بايىرعى مەكەنى – قازاقستاندا عانا تولىعىمەن جۇزەگە اسىرا الادى. ەندەشە, قازاق بالاسى, قايدا تۋىپ, قايدا جۇرسە دە, ەرتەڭگى ۇرپاعىنىڭ بولاشاعىن ءوز اتامەكەنىمەن تىعىز بايلانىستىرىپ, بۇگىنگىدەي الەمدىك دەڭگەيدەگى مۇددە تۇگەندەسۋ كەزەڭىندە تۋعان توپىراققا دەگەن سۇيىسپەنشىلىكتەرىن دالەلدەپ, جاس تاۋەلسىزدىكتىڭ بۇعاناسىن بەكىتىپ, قابىرعاسىن قاتايتۋعا تىكەلەي اتسالىسپاعى شارت. ولاي بولسا, وتانشىل بول, قازاقتىڭ جاس ۇرپاعى!
اقجىبەك قوجاحمەتوۆا,
«وكتيابر ورتا مەكتەبى» مم
قازاق ءتىلى مەن ادەبيەت ءپانىنىڭ مۇعالىمى
قوستاناي وبلىسى,
قاراسۋ اۋدانى