يراننىڭ سەمنان پروۆينتسياسىندا ەكى پويىز سوقتىعىسىپ, 44 ادام قازا تاپتى. سونىمەن قاتار, جۇزگە جۋىق جولاۋشى ءتۇرلى جاراقات الدى. بۇل تۋرالى تاسس اقپارات اگەنتتىگى حابارلادى.
«قۇتقارۋ جۇمىستارى اياقتالدى. وتقا ورانعان ۆاگونداردان بارلىق ءمايىت شىعارىلدى. وپات بولعانداردان بولەك, 82 ادام جارالاندى. قازىرگى ۋاقىتتا قايعىلى وقيعانىڭ سەبەپ-سالدارىن انىقتاۋ ءۇشىن تەرگەۋ ءىسى ءجۇرىپ جاتىر», – دەدى يراننىڭ دەنساۋلىق ساقتاۋ مينيسترلىگىنىڭ وكىلى پير حوسەين كوليۆاند.
الدىن الا مالىمەت بويىنشا, بۇعان تەحنيكالىق اقاۋلار سەبەپ بولۋى مۇمكىن.