كەلەسى جىلى استانا مەن تەھران اراسىندا تىكەلەي اۋە رەيسى اشىلادى. بۇل تۋرالى بۇگىن اقوردادا يران يسلام رەسپۋبليكاسىنىڭ پرەزيدەنتى حاسان رۋحانيمەن كەلىسسوزدەردەن كەيىن بىرلەسكەن مالىمدەمە جاساعان ەلباسى نۇرسۇلتان نازارباەۆ ايتتى.
«بۇگىن ءبىز اۋە قاتىناسى جونىندە كەلىسسوزدەر جۇرگىزدىك. مەنىڭ ساپارىمنان كەيىن الماتى مەن تەھران اراسىندا اپتاسىنا ءۇش مارتە اۋە كولىگى ۇشاتىن بولدى. قازىر ونىڭ تولۋى 60 پايىزعا جەتىپ وتىر. ەندىگى جىلى تەھران-استانا اراسىندا اۋە جولى قاتىناسىن جاسايمىز», - دەدى ەلباسى.