بۇگىن "ەگەمەن قازاقستان" رەداكتسياسىندا بەلگىلى IT-مامان, "سۇراق-جاۋاپ" سايتىنىڭ جەتەكشىسى ەربول سەرىكباي الماتىدان ارنايى كەلىپ باسىلىم جۋرناليستەرىنە جاڭا مەديانىڭ وزەكتى ماسەلەلەرى جونىندە سەمينار-ترەنينگ وتكىزدى. سەميناردا اقپاراتتىق سايتتاردا كونتەنتتى ىزدەۋ جۇيەلەرىنە لايىقتاپ دايىنداۋ, ماتەريالداردى الەۋمەتتىك جەلىلەر ارقىلى ءتيىمدى تاراتۋ ادىستەرى, جالعان اقپاراتتى انىقتاۋ جولدارى, سۋرەت جانە ۆيدەونى وڭدەۋدە سمارتفوننىڭ مۇمكىندىكتەرىن پايدالانۋ سياقتى تاقىرىپتار جان-جاقتى قامتىلدى.
مەدياترەنەر قاتىسۋشىلاردىڭ كوپتەگەن سۇراقتارىنا جاۋاپ بەردى.
سەميناردان كەيىن ەربول سەرىكبايدى "ەگەمەن قازاقستان" باسشىسى دارحان قىدىرالى قابىلداپ, العىس ءبىلدىردى.
"ەگەمەن قازاقستان" گازەتى الداعى ۋاقىتتا اقپارات سالاسىنىڭ ءتۇرلى ماسەلەلەرىنە ارنالعان سەمينارلاردى ءداستۇرلى تۇردە وتكىزىپ تۇرماق.