«ەلىمىزدىڭ ەرتەڭى بۇگىنگى جاس ۇرپاقتىڭ قولىندا, ال جاس ۇرپاقتىڭ تاعدىرى ۇستازدىڭ قولىندا», – دەيدى ەلباسى. جاستاردى بۇگىنگى قوعامعا لايىق, جان-جاقتى دامىعان ازامات ەتىپ تاربيەلەۋ جولىندا ماقتاارال اۋدانى, اسىقاتا كەنتى «جەڭىس» مەكتەپ-گيمنازيا» مەكتەبىندە جۇمىستار دۇرىس جولعا قويىلعان. ءبىلىم ۇياسىندا 96 جوعارى ءبىلىمدى ۇستازدار ەڭبەك ەتىپ كەلەدى. ونىڭ ىشىندە 45-ءسى جوعارى ساناتتى, 25-ءسى ءبىرىنشى ساناتتى, 12-ءسى ەكىنشى ساناتتى مۇعالىمدەر.
جاڭا تەحنولوگيالىق قۇرالدارمەن جابدىقتالعان مۋلتيمەديالىق كابينەت, ينفورماتيكا, فيزيكا, حيميا, بيولوگيا, ماتەماتيكا, اعىلشىن ءتىلى كابينەتتەرىندە ينتەراكتيۆتى تاقتالار ورناتىلىپ, كومپيۋتەرلەر ينتەرنەت جەلىسىنە قوسىلعان, ەلەكتروندى پوشتا, مەكتەپ سايتى ۇزدىكسىز جۇمىس ىستەيدى. مەكتەپتە اقپاراتتىق-كوممۋنيكاتسيالىق تەحنولوگيالاردى پايدالانۋ, وقۋشىلاردىڭ ءبىلىم ساپاسىن ارتتىرۋ, شىعارماشىلىققا باۋلۋ ماقساتىندا جۇيەلى تۇردە وقىتۋ مەن وقۋدا جاڭاشا ءادىس-تاسىلدەر قولدانىلىپ كەلەدى. مۇعالىمدەردىڭ كاسىبي الەۋەتىن كوتەرمەلەۋ ماقساتىندا دەڭگەيلىك باعدارلامالار نەگىزىندە سەرتيفيكاتتالعان مۇعالىمدەردىڭ «باستاۋ» قاۋىمداستىعى جۇيەلى جۇمىس اتقارىپ وتىر.
مەكتەپ ورتا ءبىلىم بەرۋدىڭ جاڭارتىلعان مازمۇنى اياسىندا ادىستەمەلىك جۇمىستاردى ءتيىمدى جۇرگىزۋ ماقساتىندا ماقتاارال اۋداندىق ءبىلىم ءبولىمىنىڭ شەشىمىمەن اۋداندا جەتەكشى مەكتەپ سانالادى. 12 سەرىكتەس مەكتەپكە كاسىبي قولداۋ كورسەتۋدە مەكتەپ مودەراتورى ا.قۇماربەكوۆا ۇزدىكسىز ىزدەنىستەرمەن ناتيجەلى جۇمىستار اتقارىپ كەلەدى. مۇعالىمدەردىڭ ىسكەرلىك شەبەرلىگى مەن كاسىبي الەۋەتىنىڭ جوعارى باعالانۋىنان تاريح, ءدىنتانۋ نەگىزدەرى, ماتەماتيكا, ورىس ءتىلى, تەحنولوگيا, ينفورماتيكا پاندەرى بويىنشا تىرەك مەكتەبى سانالادى. مەكتەپ بازاسىندا كوپتەگەن سەمينارلار, كونفەرەنتسيالار, كەزدەسۋلەر, اشىق ەسىك كۇندەرى, بايقاۋ-سايىستار, وقۋشىلاردىڭ ءپان وليمپيادالارى, تاعى دا باسقا كوپتەگەن ءىس-شارالار اۋقىمدى جانە ادىستەمەلىك تۇرعىدان جوعارى دەڭگەيدە وتكىزىلەدى.
2015 جىلى مەكتەپ ماقتاارال اۋداندىق ءبىلىم ءبولىمىنىڭ ۇسىنىسىمەن وبلىس اكىمىنىڭ «ەڭ ۇزدىك ءبىلىم بەرۋ ۇيىمى» گرانتى بايقاۋىنا قاتىستى. ەكى جىل قاتارىنان اۋداندىق ءبىلىم ءبولىمىنىڭ مەكتەپارالىق دياگنوستيكالىق رەيتينگىنىڭ ناتيجەسىندە مەكتەپ ءىى ورىنعا يە بولىپ كەلەدى. وڭتۇستىك قازاقستان وبلىستىق ءبىلىم سالاسىنداعى باقىلاۋ دەپارتامەنتىنىڭ مەملەكەتتىك اتتەستاتتاۋ كوميسسياسى مەكتەپتىڭ جۇمىسىن زەردەلەپ, وقۋشىلاردىڭ ءبىلىم ساپاسىن تەكسەرۋ نەگىزىندە ءبىلىم بەرۋ ۇيىمى اتتەستاتتالدى. ۇبت قورىتىندىسى بويىنشا 94,3 بالدى كورسەتىپ, اۋدان مەكتەپتەرىنىڭ اراسىندا 5-ورىنعا شىقتى.
مۇعالىمنىڭ ۇزدىكسىز كاسىبي بىلىكتىلىگىن كوتەرمەلەۋ – ەڭ جوعارى ماراپات. مەكتەپ مۇعالىمدەرى بارلىق سالادا ۇيىمداستىرىلىپ وتىراتىن بايقاۋ, سايىس, فەستيۆالداردىڭ بەلسەندى قاتىسۋشىلارى بولىپ تابىلادى. «ۇلگى كورسەتۋ» ستراتەگياسى ۇتىمدى دا تابىستى جۇزەگە اسىرىلۋدا.
وقۋشىلاردىڭ قازاق ادەبيەتىنە دەگەن قىزىعۋشىلىعى وتە جوعارى. ءاربىر ولەڭدى ناقىشىنا كەلتىرىپ, وبرازعا ەنە وتىرىپ, مانەرلەپ ورىنداۋ شەبەرلىگى باسىم. ولاي دەيتىنىمىز, رەسپۋبليكالىق, وبلىستىق اباي وقۋلارى, ماحامبەت وقۋلارى, ب.مومىش ۇلى وقۋلارى, ت.ايبەرگەنوۆ وقۋلارى, ءى.جانسۇگىروۆ وقۋلارى, ورالحان بوكەي وقۋلارىندا ءا.يساكوۆ, ن.تولەگەن, ۇ.ورمان, ءا.قانايبەك, د.ساتىلحان, ب.ءازىمحان, د.ماتجان, س.جولداسباي سىندى وقۋشىلار دارالانىپ, مەكتەپ ابىرويىن اسقاقتاتىپ كەلەدى. بىرنەشە جىلدان بەرى مەكتەپتىڭ مۋزىكا ءپانىنىڭ مۇعالىمدەرى م.بايمۋرزين مەن ك.بايمۋرزينانىڭ جەتەكشىلىك ەتۋىمەن «كاۋسار» بي توبى قۇرىلىپ, وبلىستىق, رەسپۋبليكالىق كوركەمونەرپازدار بايقاۋىنىڭ جۇلدەگەرلەرى اتانىپ ءجۇر. سپورت سالاسىندا دا جەتىستىكتەرى كوپتەپ سانالاتىن مەكتەپتە وقۋشىلار اراسىندا 4 سپورت شەبەرى بار. كۇرەستەن, ۆولەيبولدان, ۇستەل تەننيسىنەن رەسپۋبليكالىق چەمپيوناتتاردىڭ جۇلدەگەرلەرى دە جەتەرلىك.
وقۋشىلاردىڭ ءبىلىم ساپاسىن ارتتىرۋ جانە رۋحاني تاربيە بەرۋ ماقساتىندا ءالى دە قىرۋار جۇمىستار جوسپارلاپ وتىرعان مەكتەپ ۇجىمى قازاقستاننىڭ ىرگەسى ءبۇتىن, ەرتەڭى نۇرلى بولۋى ءۇشىن ەڭبەك ەتە بەرەدى.
گۇلجان ۋبايدينا,
«جەڭىس» مەكتەپ-گيمنازيا»
مەكتەبىنىڭ ديرەكتورى
وڭتۇستىك قازاقستان وبلىسى,
ماقتاارال اۋدانى,
اسىقاتا كەنتى