جاڭا زامان جاستارى ءبىلىمپاز, جان-جاقتى دامىعان, دارىندى, سىنشىل كەلەدى. زاماناۋي ءبىلىم مەن عىلىم ءبىر جاقتى قاعيداتتى ۇستانۋدان الشاق بولۋى ءتيىس. جاسامپاز جاستاردىڭ تالاپتارى, قىزىعۋشىلىعى, ىزدەنىمپازدىق قابىلەتتەرىنە ساي وقۋ-تاربيە بەرۋ ماقساتىندا ءبىلىم بەرۋ ۇيىمدارى كوپ مادەنيەتتى ورتا قۇرۋعا ىقپال ەتۋى قاجەت. ياعني تۇلعانىڭ ونەردە جانە بولمىستا ەستەتيكالىق نىسانداردى قابىلداۋى, ەڭبەك داعدىلارىن, ەكونوميكالىق ويلاي ءبىلۋى مەن كاسىبي قالىپتاسۋى, ءوزىن ءوزى ىسكە اسىرا الۋى ءۇشىن سانالى قارىم-قاتىناس قالىپتاستىرۋى, ەكولوگيالىق مادەنيەتىن دامىتۋى, سونداي-اق, ەكوەۆوليۋتسيا يدەيالارىن قابىلداۋ قابىلەتى مەن ونى كۇندەلىكتى ومىردە باسشىلىققا الا ءبىلۋى الدىڭعى ورىندا تۇرماق.
وسى باعىتتا س.قوجىقوۆ اتىنداعى №39 ليتسەيدىڭ 7, 8-سىنىپ وقۋشىلارىنان قۇرالعان «تابيعات ساقشىلارى» توبى «ەكوكلۋب – ءبىزدىڭ ومىرىمىزدە» اتتى قالالىق كونكۋرسىنا قاتىستى. ەكولوگيالىق تاربيە باعىتىندا ليتسەي وقۋشىلارى اباي اتىنداعى قازۇپۋ ستۋدەنتتەرىمەن بىرلەسكەن جوبا جۇمىسىنا دايىندالىپ, مەدەۋ جانە المالى اۋداندارىنىڭ 50 مەكتەبى اراسىنان ىرىكتەلىپ كەلىپ, قالالىق بىرىنشىلىككە شىقتى. قالالىق دەڭگەيدەگى «ەكوكلۋب – ءبىزدىڭ ومىرىمىزدە» بايقاۋىندا اتالمىش ليتسەيدىڭ ماعجان الپامىس, گ ۇلىم قابديللاەۆا, ءامىرحان دانيال, راۋان يساتاي, ديلناز دوسجانقىزى, كارينا اسكەرعاليەۆا, زەرە ءابىلجان, جانەركە ەگەۋبايقىزى, ارۋجان سەيدالي جانە البينا نۇسىپقۇلوۆا سىندى وقۋشىلارى كوزگە ءتۇسىپ, جۇلدەلى ورىنعا يە بولدى. ءوز بىلىكتىلىكتەرىن ءتۇرلى جارىستاردا سىناپ, الدىڭعى قاتاردان كورىنە بىلگەن وقۋشىلاردىڭ قوس قاناتىن تەڭ سەرمەپ, ماڭگىلىك ەلدىڭ لايىقتى كوشباسشىلارى بولارى حاق.
ايتا كەتەرلىگى, بۇل كونكۋرستى الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسى, اباي اتىنداعى قازۇپۋ, «PosadiDerevo.kz» رەسپۋبليكالىق قوعامدىق ۇيىمى ءبىرلەسكەن جوبا رەتىندە مەكتەپ وقۋشىلارى اراسىندا ەكولوگيالىق سانانى كەڭەيتۋ ءجانە قالىپتاستىرۋ ماقساتىندا ۇيىمداستىرىپ وتىر. الەمنىڭ ءجانە مەملەكەتتىڭ ەكولوگيالىق ماسەلەلەرىنە مەكتەپ وقۋشىلارىنىڭ نازارىن اۋدارۋ, وقۋشىلاردىڭ تابيعاتتى قورعاۋ تاقىرىبىنا دەگەن قىزىعۋشىلىعىن ارتتىرۋ, وقۋشىلاردىڭ مەكتەپتەگى ەكولوگيالىق ۇيىرمە جۇمىستارىن ىنتالاندىرىپ وتىرۋدى ءجون كورگەن ۇيىمداستىرۋشىلار كونكۋرس جەڭىمپازدارىن ەستەلىك سىيلىقتارمەن جانە ماقتاۋ قاعازدارىمەن ماراپاتتادى.
گاۋھار بەكتۇرعانوۆا,
№39 مامانداندىرىلعان ليتسەي
ديرەكتورىنىڭ ورىنباسارى
الماتى