جالپى وتىرىستىڭ كۇن ءتارتىبى ناقتىلاندى

وسىعان وراي دەپۋتاتتار الداعى سار­سەن­بىدە «قازاقستان رەسپۋبليكاسىنىڭ كەيبىر زاڭ­نامالىق اكتىلەرىنە دەنساۋلىق ساق­تاۋ ماسەلەلەرى بويىنشا وز­گە­رىستەر مەن تولىق­تىرۋلار ەن­گىزۋ تۋرالى» زاڭ جوباسىن ەكىن­شى وقىلىمدا تالقىلايدى دەپ كۇتىلۋدە. سونىمەن قاتار, وسى وتىرىستا الەۋمەتتىك قام­سىز­داندىرۋ ماسەلەلەرى بويىنشا وزگەرىستەر مەن تولىقتىرۋلار بويىنشا زاڭ جوباسى دا تالقى­لاناتىن بولادى.  سونداي-اق, جالپى وتىرىس­تا ءما­جىلىس «2012 جىلعى 11 ما­مىر­داعى قازاقستان رەس­پۋب­­لي­كا­سىنىڭ ۇكىمەتى مەن قىر­عىز رەسپۋب­لي­­كاسىنىڭ ۇكى­مە­تى اراسىنداعى قازاق­ستان رەس­­­پۋب­ليكاسى ازاماتتارىنىڭ قىر­عىز رەس­پۋب­ليكاسىنىڭ اۋما­عىندا جانە قىرعىز رەس­پۋب­­ليكاسى ازاماتتارىنىڭ قازاق­ستان رەس­پۋب­ليكاسىنىڭ اۋما­عىندا بولۋ ءتارتىبى تۋرالى كە­لىسىمگە وزگەرىستەر مەن تولىق­تىرۋلار ەنگىزۋ تۋرالى حاتتا­مانى راتيفيكاتسيالاۋ تۋرا­لى» جانە دە «قازاقستان رەسپۋب­ليكاسىنىڭ ۇكىمەتى مەن قىر­عىز رەسپۋبليكاسىنىڭ ۇكىمەتى ارا­سىنداعى ەۋرازيالىق ەكونو­ميكالىق ينتەگراتسيا جاعدايىندا ەكونوميكالىق ىنتىماق­تاستىقتى دامىتۋ تۋرالى كە­لىسىمدى راتيفيكاتسيالاۋ تۋرالى» زاڭ جوبالارىن قاراستىرادى.  ۇكىمەت پەن رەسپۋبليكالىق بيۋدجەتتىڭ ات­قا­رىلۋىن باقىلاۋ جونىندەگى ەسەپ كومي­تەتىنىڭ 2016 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرى مەن مەملەكەتتىك اۋديت جانە قارجىلىق باقىلاۋ تۋرالى, قارۋ ساۋداسى تۋرالى شارتتى راتيفيكاتسيالاۋ تۋرالى زاڭ جوبالارى قورىتىندى ازىرلەۋگە الىنادى. سونداي-اق, بيۋرو وتىرىسىندا پالاتانىڭ ەكونوميكالىق رەفورما جانە وڭىرلىك دامۋ كوميتەتىنىڭ باتىس قازاقستان وبلىسىندا كوشپەلى وتىرىسىن (2017 جىلعى 25-27 مامىر) وتكىزۋ تۋرالى ماسەلە دە تالقىلاندى.