وڭتۇستىك قازاقستان وبلىسىنىڭ اكىمدىگى جانە حالىقارالىق تۇركى اكادەمياسى ۇيىمداستىرىپ وتىرعان بۇل فورۋم «تۇركى الەمى جانە اقپاراتتىق كەڭىستىك» تاقىرىبىندا وتۋدە. وعان قازاقستان, تۇركيا, ازەربايجان, قىرعىزستان, وزبەكستان جانە باسقا دا تۇركى حالىقتارى تۇراتىن مەملەكەتتەردىڭ جەتەكشى باق باسشىلارى, جۋرناليستەرى قاتىسۋدا. جۋىردا قازاقستان پرەزيدەنتى نۇرسۇلتان نازارباەۆ «بولاشاققا باعدار: رۋحاني جاڭعىرۋ» ماقالاسىندا «قازاقستاننىڭ قاسيەتتى رۋحاني قۇندىلىقتارى» نەمەسە «قازاقستاننىڭ كيەلى جەرلەرىنىڭ گەوگرافياسى» جوباسى كەرەكتىگىن جازعان بولاتىن. ۇيىمداستارۋشىلار فورۋمدى ەلباسىنىڭ ماقالاسىنداعى وسى ماسەلەمەن دە ۇشتاستىرىپ, باۋىرلاس ەلدەردەن كەلگەن ازاماتتاردى وڭتۇستىكتىڭ كيەلى, تاريحي جەرلەرىمەن تانىستىرۋدى نيەت ەتىپتى. فورۋمعا قاتىسۋشىلار الدىمەن شىمكەنت قالاسىنىڭ كورىكتى جەرلەرىن ارالاپ, ودان كەيىن سايرامداعى قاراشا انا, يبراھيم اتا كەسەنەلەرىندە, وتىرار اۋدانىنداعى ارىستان باب كەسەنەسىندە, «وتىرار» قالاشىعىندا بولدى. ولار ودان ءارى تۇركىستانعا ات باسىن تىرەيدى. فورۋم ەرتەڭ ق.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ مادەنيەت سارايىندا وتەدى. عالىمجان ەلشىباي, «ەگەمەن قازاقستان».
تۇركىستان قالاسىنىڭ بيىل «تۇركى الەمىنىڭ مادەني استاناسى» دەپ جاريالانعانى بەلگىلى. وسىعان بايلانىستى ۇلىستىڭ ۇلى كۇنى – ناۋرىزدان باستاپ قاسيەتتى قالادا تۇركى حالىقتارىنىڭ ونەرپازدارى مەن زيالى قاۋىمىنىڭ باسىن قوسقان حالىقارالىق شارالار وتۋدە. سونىڭ ءبىرى – تۇركى حالىقتارى جۋرناليستەرىنىڭ فورۋمى باستالدى.