بيىلعى جىلدىڭ I ماۋسمىنىڭ قورىتىندىسى بويىنشا, شيكىزاتتىق مۇناي مەن تابيعي گاز ءوندىرىسى كاسىپورىندارى مەن كومپانيالارىنا 47,1 مىڭداي قىزمەتكەر الىندى. بۇل وتكەن جىلدىڭ وسى ۋاقىتىمەن سالىستىرعاندا 1% ارتىق كورسەتكىش.
ەستەرىڭىزگە سالا كەتەيىك, وتكەن جىلدىڭ باسىندا شيكىزاتقا سۇرانىستىڭ كۇرت تومەندەپ كەتكەنىنەن الەم بويىنشا شيكىزاتتىق كومپانيالار شتات سانىن كوبەيتۋ قارقىنىن باسەڭدەتىپ, جاڭادان الىنعان قىزمەتكەرلەر سانى بار بولعانى 5% ۇلعايعان ەدى.
ال جالپى ەڭبەك نارىعىندا مۇناي ءوندىرۋ سەكتورىنىڭ ماڭىزى بىرتىندەپ ارتىپ كەلەدى. قازىرگى تاڭدا وسى سەكتوردا جۇمىس ىستەيتىندەر سانى جالپى ونەركاسىپ وندىرىسىندەگى قىزمەتكەرلەر سانىنىڭ 7,6%-ىن قۇرايدى. ال 2013 جىلى بۇل كورسەتكىش 6% بولاتىن.
2017 جىلدىڭ قاڭتار-ناۋرىز ارالىعىندا وسى سالاداعى ورتاشا جالاقى 631 مىڭ تەڭگە بولدى. بۇل وتكەن جىلعىدان 7%-عا كوپ.
ال تاۋ-كەن ونەركاسىبىنىڭ ورتاشا جالاقىسى 324 مىڭ تەڭگە.