«مۋن چجە ين سايلاۋشىلاردىڭ 41,1 % داۋسىن جيناپ, ەلدىڭ جاڭا پرەزيدەنتى بولىپ سايلاندى, – دەلىنگەن كورەيا رەسپۋبليكاسى ۇلتتىق سايلاۋ كوميتەتىنىڭ حابارلاماسىندا. – وعان 13,4 ملن ادام داۋىس بەردى. ال «كورەي بوستاندىعى» كونسەرۆاتيۆتەر پارتياسىنىڭ وكىلى حون دجۋن پحە – 24,3 %, سولشىلداردىڭ «ۇلتتىق پارتياسىنان» سايلاۋعا تۇسكەن ان چحول سۋ 21,4 % داۋىس جيناعان». ايتا كەتەيىك, وڭتۇستىك كورەياداعى پرەزيدەنت سايلاۋى مەرزىمىنەن بۇرىن وتكىزىلدى. ناۋرىزدا ەلدىڭ كونستيتۋتسيالىق سوتى بۇرىنعى پرەزيدەنت پاك كىن حەعا جاريالانعان يمپيچمەنتتى راستاپ, ونى قىزمەتىنەن شەتتەتتى. ناتيجەسىندە سايلاۋ جوسپارلانعان مەرزىمنەن 7 اي بۇرىن وتكىزىلىپ وتىر. سايلاۋ ناۋقانى بارىسىندا مۋن چجە ين ءىستى بولىپ وتىرعان ەكس-پرەزيدەنت پاك كىن حەنىڭ كومانداسىن سىناعان بولاتىن. اتاپ ايتقاندا, ول ەسكى ۇكىمەتتى سولتۇستىك كورەيانىڭ يادرولىق باعدارلاماسىنا توتەپ بەرە المادى دەپ ايىپتادى. دەگەنمەن, جاڭا پرەزيدەنت ەكى ەل اراسىندا بەيبىت بايلانىس بولعانىن قالايتىنىن مالىمدەدى.
وڭتۇستىك كورەيادا وتكەن پرەزيدەنت سايلاۋىندى «توبۋرو» دەموكراتيالىق پارتياسىنىڭ وكىلى مۋن چجە ين جەڭىسكە جەتتى. ۇلتتىق سايلاۋ كوميتەتىنىڭ مالىمەتتەرىنە سايكەس, ول سايلاۋشىلاردىڭ 41,1 % داۋسىن جيناعان, دەپ حابارلايدى tass.ru