ك.بايسەيىتوۆا اتىنداعى وپەرا جانە بالەت تەاترىندا: «نۇرعيسا» حورەوگرافيالىق سپەكتاكلىنىڭ پرەمەراسى وتەدى. سپەكتاكلدە قازاقتىڭ تالانتتى كومپوزيتورىنىڭ ءومىرى مەن ونەرى سان قىرىنان سومدالادى. بۇل قويىلىم استانالىقتار مەن قالا قوناقتارىنا نۇرعيسا تىلەنديەۆ الەمىن تەرەڭ تانۋعا مۇمكىندىك بەرەدى. باستالۋى: ساعات 19.00-دە.
بەيبىتشىلىك جانە كەلىسىم سارايىندا: الەمدىك ەسترادا جۇلدىزى سارا برايتماننىڭ كونتسەرتى وتەدى. سارا برايتماندى دۇنيە ءجۇزىنىڭ ونەر سۇيەر قاۋىمى مۋزىكا پەرىشتەسى دەپ اتايدى. ءوزىنىڭ شىعارماشىلىق جولىندا ول تىڭدارماندارىن كلاسسيكالىق ءجانە سوڭعى 50 جىلداعى «پوپ» مۋزىكا كاۋسارلارىمەن سۋسىنداتىپ كەلەدى. باستالۋى: ساعات 18.00-دە.
ەسىل جاعالاۋى: مۇندا قالا مەرەكەسىنە ارنالعان ءداستۇرلى حالىقارالىق سۋرەتشىلەر پلەنەرى وتەدى. ونداعان قىلقالام شەبەرلەرى استانا تۇرعىندارى مەن قالا قوناقتارىنىڭ نازارىنا ءوز ونەرلەرىن ۇسىنادى. باستالۋى: ساعات 10.00-دە.
استانا تسيركى: حالىقارالىق تسيرك ونەرىنىڭ «ازيا جاڭعىرىعى» فەستيۆالى وتەدى. وندا الىس جانە جاقىن شەتەلدەردىڭ تسيرك ونەرلەرىنىڭ مايتالماندارى ونەر كورسەتەتىن بولادى. باستالۋى: 16.00-دە.
«قازاق ەلى» مونۋمەنتى الدىنداعى الاڭ: استانا كۇنى مەرەكەسى شەڭبەرىندە وتكىزىلەتىن ءىس-شارالاردىڭ شىرقاۋ شەگى بولىپ سانالاتىن «استانا – باقىت مەكەنى» گالا-كونتسەرتى وتەدى. وعان وتاندىق جانە شەتەلدىك ونەر جۇلدىزدارى قاتىسادى. باستالۋى: ساعات 21.00-دە.
سونىمەن بىرگە, قالامىزداعى الاڭدار مەن دەمالىس باقتارىندا بۇقارالىق مادەني شارالار ءوتكىزىلەدى. «جاستار سارايى» الاڭىندا «استانا سامالى» ۇرلەمەلى اسپاپتار وركەسترىنىڭ حالىقارالىق فەستيۆالى, قالالىق الاڭدا ءدامدى تاعامداردىڭ فەستيۆالى, «كونگرەسس-حوللدا» ءازىل-سىقاق كەشى, ەسىل جاعالاۋىندا «وزەن اۋەندەرى» مۋزىكا جانە بالەت كەشى وتەدى.