الماتىدا قالا اكىمى احمەتجان ەسىموۆ «سامۇرىق-قازىنا» ۇاق باسقارما توراعاسى تيمۋر ق ۇلىباەۆتىڭ قاتىسۋىمەن ارىپتەستىكتى دامىتۋ ماسەلەسىنە ارنالعان كەڭەس وتكىزدى. كەڭەس بارىسىندا ۇلەسكەرلەر جايى, قۇرىلىس, قالانى گازبەن جانە ەنەرگيامەن قامتاماسىز ەتۋ, مەملەكەتتىك ساتىپ الۋداعى قازاقستاندىق ۇلەستى ارتتىرۋ جايى ءسوز بولدى.
الدىمەن پرەزيدەنت سايلاۋىنان كەيىنگى بولعان كادرلىق ءوزگەرتۋدەن سوڭ تيمۋر ق ۇلىباەۆتى «سامۇرىق-قازىنا» ۇاق باسقارما توراعالىعىنا تاعايىندالۋىمەن الماتىلىقتار اتىنان قۇتتىقتاعان شاھار باسشىسى, ودان ءارى بۇعانعا دەيىن قورمەن قويان-قولتىق جۇمىس ىستەپ, اسىرەسە, جىلجىمالى م ۇلىك, ۇلەسكەرلەردىڭ ماسەلەسىن شەشۋدە, شاعىن ءجانە ورتا بيزنەستى دامىتۋدا ناقتى ناتيجەلەرگە قول جەتكىزگەنىن اتاپ ءوتتى. ماسەلەن, بارلىعى 16 مىڭ 200 ۇلەسكەردىڭ 13 مىڭىنىڭ ماسەلەسى وڭ شەشىمىن تاپقان. ەندى قالعان 3 مىڭ 200 ۇلەسكەردىڭ جاعدايى دا دۇرىس شەشىمىن تاپپاق. «ءبىزدىڭ قالا ءۇشىن وتە ماڭىزدى ماسەلەلەر – تۇراقتى دا سەنىمدى ەلەكتر ەنەرگياسى, سۋ, جىلۋمەن قامتاماسىز ەتۋدە قورمەن تىعىز قارىم-قاتىناستامىز. سوندىقتان بۇگىنگى جيىندا اتالمىش ماسەلەلەر مەن اتقارىلاتىن ءىس-شارالاردى تالقىلاپ, سونداي-اق الداعى ۋاقىتتا ىنتىماقتاستىق جاعدايدا جۇمىس جاساۋدىڭ مىندەتتەرىن ايقىنداپ الماقپىز, – دەدى قالا باسشىسى.
الماتى اكىمدىگىمەن بۇعان دەيىن بىرلەسە جۇزەگە اسىرىپ كەلگەن جوبالاردى ودان ءارى جالعاستىرۋعا دايىن ەكەندىكتەرىن بىلدىرگەن باسقارما توراعاسى, الماتى بيزنەس پەن ونەر, مادەنيەتتىڭ ورتاسى, ەڭ ءىرى مەگاپوليس, سوندىقتان الداعى ۋاقىتتا ۇلەسكەرلىك ماسەلەسىن شەشۋ, ەنەرگەتيكا, گازداندىرۋعا اتسالىساتىنىن تىلگە تيەك ەتتى.
– ەكى-ءۇش جىلدا الماتى ەنەرگەتيكا تاپشىلىعىنان تولىق قۇتىلاتىن بولادى. ەكولوگيا بويىنشا جەس-2-ءنى مودەرنيزاتسيالاۋعا قاتىسۋدامىز. گازبەن قامتۋ بويىنشا بيىلعى قىستا الماتى قىتايعا تارتىلعان گاز قۇبىرىنىڭ ەسەبىنەن گازداندىرىلدى. الداعى ۋاقىتتا باتىس قازاقستاننان وڭتۇستىككە تارتىلاتىن قۇبىر جەلىسى قۇرىلىسى جۇزەگە اسىرىلادى. ونىڭ باستى ماقساتى – الماتىنى گازبەن قامتۋ بولادى. ال شاعىن جانە ورتا بيزنەستى قولداۋ بويىنشا «سامۇرىق-قازىناعا» قاراستى ۇلتتىق كومپانيالار مەملەكەتتىك ساتىپ الۋداعى قازاقستاندىق ۇلەستى ارتتىرۋ ماقساتىندا الماتى قالاسىنىڭ كاسىپكەرلەرىنەن ءونىم ساتىپ الۋدى 200 ميلليارد تەڭگەگە جەتكىزۋ كوزدەلىپ وتىر», – دەدى تيمۋر اسقار ۇلى.
كەڭەس بارىسىندا قالا اكىمى احمەتجان ەسىموۆ پەن «سامۇرىق-قازىنا» ۇاق-نىڭ باسقارما ءتوراعاسى تيمۋر ق ۇلىباەۆ الماتى قالاسىنىڭ دامۋى تۋرالى ەكىجاقتى حاتتاماعا قول قويدى. حاتتاما بويىنشا الماتىداعى ۇلەسكەرلەر ماسەلەسىن شەشۋ بويىنشا قوردىڭ اتقارۋشى ديرەكتورى-باسقارما مۇشەسى قايرات ايتەكەنوۆ پەن الماتى قالاسى اكىمىنىڭ ورىنباسارى ۆيكتور دولجەنكوۆقا الماتىداعى تۇرعىن ۇيلەردىڭ قۇرىلىسى تۋرالى ستاتيستيكالىق-ساراپتامالىق ەسەپ پەن ءمالىمەتتەر بويىنشا اقپارات الماسىپ وتىرۋ جۇكتەلدى. سونىمەن قاتار, تاراپتار ۇلەسكەرلىك قۇرىلىس ءماسەلەسىن شەشۋ بويىنشا تەحنيكالىق-ۇيىمداستىرۋشىلىق ماسەلەلەردى شەشۋگە كەلىستى. وعان ءسايكەس «سامۇرىق-قازىنا» ۇاق ۇلەسكەرلىك قۇرىلىس نىساندارىن تولىق اياقتاۋ ءۇشىن كەمىندە 21,735 ميلليارد تەڭگە قارجى بولەدى.
گۇلزەينەپ سادىرقىزى.