جەزقازعاندا قارجى پيراميداسىن قۇرىپ, 50 ازاماتتى سان سوقتىرعان ايەل 3 جىلعا باس بوستاندىعىنان ايىرىلدى. بۇل تۋرالى جەزقازعان قالالىق سوتى حابارلادى.
قالالىق سوتتىڭ حابارلاۋىنشا 44 جاستاعى ساياگۇل نۇرمانوۆا قالا تۇرعىندارىنىڭ 8,5 ملن تەڭگە قارجىسىن الاياقتىقپەن العان.
قىلمىستىق ءىستىڭ ماتەريالدارىنا سايكەس, كاسىپكەر ايەل ونىڭ «سەنىم» اتتى فيرماسىنا سالعان قارجىنى ەكى ەسە ەتىپ قايتارۋعا ۋادە ەتكەن.
«كاسىپكەر سالىمشىلارمەن رەسمي كەلىسىمشارت جاساسقان. ول كليەنتتەردىڭ ءبىرىنشى بولىگىنە نەگىزگى سوما مەن پايىزدى تولەي وتىرىپ, سەنىمگە يە بولعان», - دەپ حابارلادى جەزقازعان قالالىق سوتى.
ءۇش ايدىڭ ىشىندە 8 ميلليون 500 مىڭ تەڭگە جيناعان ساياگۇل نۇرمانوۆا كليەنتتەرىنە قارجى قايتارۋدى دوعارادى. ول بارلىعى 45 ميلليون تەڭگە جيناعان. وسى سومانىڭ ىشىنەن 8,5 ميلليون تەڭگەنى ادامدارعا قايتارمادى.
سالىمشىلار جەزقازعان قالالىق ءىىب-عا بارادى. پوليتسيا قىزمەتكەرلەرى ونى قر قك 217-بابى «قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ» بويىنشا كۇدىكتى دەپ تابادى.
«جەزقازعان قالالىق سوتىنىڭ سۋدياسى مارات بەكجانوۆ كۇدىكتىنى قر قك 217-بابى «قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ» بويىنشا ايىپتى دەپ تاۋىپ, ءۇش جىلعا باس بوستاندىعىنان ايىردى», - دەپ حابارلادى جەزقازعان قالالىق سوتى.
سونىمەن قاتار, سوت قىلمىسكەردى جابىرلەنۋشىلەردىڭ قارجىسىن قايتارۋعا مىندەتتەدى.