قازاقستان رەسپۋبليكاسى قارجى مينيسترلىگى
2011 جىلعى 19 قاڭتارداعى №27 , استانا ق.
قازاقستان رەسپۋبليكاسى ۇلتتىق بانكىنىڭ باسقارماسى
2010 جىلعى 27 جەلتوقسان № 106, الماتى ق.
بۇيرىعى جانە قاۋلىسى
«ۆاليۋتالاردى ايىرباستاۋدىڭ نارىقتىق باعامىن انىقتاۋ جانە قولدانۋ ءتارتىبىن بەلگىلەۋ تۋرالى» قازاقستان رەسپۋبليكاسى قارجى ءمينيسترىنىڭ
2009 جىلعى 28 قاڭتارداعى № 36 بۇيرىعىنا جانە قازاقستان رەسپۋبليكاسىنىڭ ۇلتتىق بانكى باسقارماسىنىڭ 2009 جىلعى 26 قاڭتارداعى № 4 قاۋلىسىنا تولىقتىرۋ جانە وزگەرىستەر ەنگىزۋ تۋرالى
ۆاليۋتالاردى ايىرباستاۋدىڭ نارىقتىق باعامىن انىقتاۋ ءتارتىبىن جەتىلدىرۋ ماقساتىندا, سونداي-اق «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» 2008 جىلعى 10 جەلتوقسانداعى قازاقستان رەسپۋبليكاسى كودەكسىنىڭ (سالىق كودەكسى) 12-بابى 1-تارماعىنىڭ
10) تارماقشاسىنا سايكەس قازاقستان رەسپۋبليكاسى قارجى ءمينيسترى بۇيىرادى جانە قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. «ۆاليۋتالاردى ايىرباستاۋدىڭ نارىقتىق باعامىن انىقتاۋ جانە قولدانۋ ءتارتىبىن بەلگىلەۋ تۋرالى» قازاقستان رەسپۋبليكاسى قارجى ءمينيسترىنىڭ 2009 جىلعى 28 قاڭتارداعى № 36 بۇيرىعىنا جانە قازاقستان رەسپۋبليكاسىنىڭ ۇلتتىق بانكى باسقارماسىنىڭ 2009 جىلعى 26 قاڭتارداعى № 4 قاۋلىسىنا (نورماتيۆتىك قۇقىقتىق اكتىلەرىن مەملەكەتتىك تىركەۋ تىزىلىمىندە № 5570 تىركەلگەن) مىناداي تولىقتىرۋ جانە وزگەرىستەر ەنگىزىلسىن:
كىرىسپەدە «10) تارماقشاسىنا» دەگەن سوزدەردەن كەيىن «جانە «بۋحگالتەرلiك ەسەپ پەن قارجىلىق ەسەپتiلiك تۋرالى» 2007 جىلعى 28 اقپانداعى قازاقستان رەسپۋبليكاسى زاڭىنىڭ 20-بابىنا» دەگەن سوزدەرمەن تولىقتىرىلسىن;
1-تارماقتا:
1) تارماقشا مىناداي رەداكتسيادا جازىلسىن:
«1) اقش دوللارى بويىنشا ۆاليۋتالاردى ايىرباستاۋدىڭ نارىقتىق باعامى الماتى ۋاقىتىمەن 11-00 ساعاتتاعى جاعداي بويىنشا «قازاقستان قور بيرجاسى» اكتسيونەرلىك قوعامىنىڭ تاڭەرتەڭگى (نەگىزگى) سەسسياسىندا قالىپتاسقان تەڭگەنىڭ اقش دوللارىنا ورتاشا الىنعان بيرجالىق باعامى رەتىندە ايقىندالادى;»;
2) تارماقشادا «, سەسسيادا ساۋدا-ساتتىق وتكىزىلمەيتىن (وتكىزىلمەگەن)» دەگەن سوزدەر الىنىپ تاستالسىن;
3-تارماق مىناداي رەداكتسيادا جازىلسىن:
«3. قارجى ۇيىمدارى, يسلامدىق ارنايى قارجى كومپانيالارى جانە قازاقستان رەسپۋبليكاسىنىڭ سەكيۋريتيلەندىرۋ تۋرالى زاڭناماسىنا سايكەس قۇرىلعان ارنايى قارجى كومپانيالارى قارجىلىق ەسەپتىلىكتى قالىپتاستىرۋ ماقساتىندا حالىقارالىق قارجىلىق ەسەپتىلىك ستاندارتتارىنا سايكەس قايتا ەسەپتەۋگە جاتاتىن اكتيۆتەر مەن مىندەتتەمەلەردى قايتا ساناۋدى وسى بۇيرىقتىڭ جانە قاۋلىنىڭ 1-تارماعىندا بەلگىلەنگەن تارتىپپەن ايقىندالعان ۆاليۋتالاردى ايىرباستاۋدىڭ نارىقتىق باعامىن پايدالانا وتىرىپ نە «Reuters» اقپاراتتىق اگەنتتىگىنىڭ وپەراتسيالىق كۇندى جابۋ ساتىندەگى باعامى بويىنشا ساۋدا-ساتتىق وتكىزىلگەن كۇننىڭ اياعىندا جۇزەگە اسىرسىن.
قازاقستان رەسپۋبليكاسىنىڭ ۇلتتىق بانكىن قوسپاعاندا, باسقا ۇيىمدار قارجىلىق ەسەپتىلىكتى قالىپتاستىرۋ ماقساتىندا حالىقارالىق قارجىلىق ەسەپتىلىك ستاندارتتارىنا جانە قازاقستان رەسپۋبليكاسىنىڭ بۋحگالتەرلىك ەسەپ پەن قارجىلىق ەسەپتىلىك تۋرالى زاڭناماسىنىڭ تالاپتارىنا سايكەس قايتا ساناۋعا جاتاتىن اكتيۆتەر مەن مىندەتتەمەلەردى قايتا ساناۋدى وسى بۇيرىقتىڭ جانە قاۋلىنىڭ 1-تارماعىندا بەلگىلەنگەن تارتىپپەن ساۋدا-ساتتىق وتكىزىلگەن ەسەپتى كەزەڭنىڭ سوڭعى كۇنىنە ايقىندالعان ۆاليۋتالاردى ايىرباستاۋدىڭ نارىقتىق باعامىن جابۋ باعامى رەتىندە پايدالانا وتىرىپ جۇزەگە اسىرسىن.»;
قوسىمشاسى وسى بۇيرىقتىڭ جانە قاۋلىنىڭ قوسىمشاسىنا سايكەس رەداكتسيادا جازىلسىن.
2. قازاقستان رەسپۋبليكاسىنىڭ ۇلتتىق بانكى:
1) وسى بۇيرىقتى جانە قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى جانە ولاردى كەيىننەن بۇقارالىق اقپارات قۇرالدارىندا رەسمي جاريالاۋدى قامتاماسىز ەتسىن;
2) قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەن كۇننەن باستاپ ون كۇندىك مەرزىمدە وسى بۇيرىقتى جانە قاۋلىنى قازاقستان رەسپۋبليكاسىنىڭ ۇلتتىق بانكى ورتالىق اپپاراتىنىڭ مۇددەلى بولىمشەلەرىنە, اۋماقتىق فيليالدارىنا, قازاقستان رەسپۋبليكاسى قارجى نارىعىن جانە قارجى ۇيىمدارىن رەتتەۋ مەن قاداعالاۋ اگەنتتىگىنە, «قازاقستان قارجىگەرلەرىنىڭ قاۋىمداستىعى» زاڭدى تۇلعالار بىرلەستىگىنە جىبەرسىن.
3. وسى بۇيرىقتىڭ جانە قاۋلىنىڭ ورىندالۋىن باقىلاۋ قازاقستان رەسپۋبليكاسى قارجى ۆيتسە-ءمينيسترى ا.م. شوقپىتوۆقا جانە قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى د.ت. عاليەۆاعا جۇكتەلسىن.
4. وسى بۇيرىق جانە قاۋلى ولار العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەننەن كەيىن قولدانىسقا ەنگىزىلەدى.
قازاقستان رەسپۋبليكاسىنىڭ قارجى ءمينيسترى ب. جامىشەۆ
قازاقستان رەسپۋبليكاسى ۇلتتىق بانكىنىڭ توراعاسى گ. مارچەنكو
قازاقستان رەسپۋبليكاسى قارجى ءمينيسترىنىڭ 2011 جىلعى 19 قاڭتارداعى № 27 بۇيرىعىنا جانە قازاقستان رەسپۋبليكاسىنىڭ ۇلتتىق بانكى باسقارماسىنىڭ 2010 جىلعى 27 جەلتوقسانداعى
№ 106 قاۋلىسىنا قوسىمشا
«قازاقستان رەسپۋبليكاسى قارجى ءمينيسترىنىڭ 2009 جىلعى 28 قاڭتارداعى № 36 بۇيرىعىنا جانە قازاقستان رەسپۋبليكاسىنىڭ ۇلتتىق بانكى باسقارماسىنىڭ 2009 جىلعى 26 قاڭتارداعى
№ 4 قاۋلىسىنا قوسىمشا
شەتەل ۆاليۋتالارىنىڭ تىزبەسى
1. اۆستراليا دوللارى (AUD)
2. بەلارۋس ءرۋبلى (BYR)
3. ۆونا (KRW)
4. گريۆنا (UAH)
5. دات كروناسى (DKK)
6. ديرحام (AED)
7. ەۋرو (EUR)
8. زلوتىي (PLN)
9. يەنا (JPY)
10. كانادا دوللارى (CAD)
11. كۋۆەيت دينارى (KWD)
12. لاتۆيا لاتى (LVL)
13. ليتۆا ليتى (LTL)
14. مولدوۆا لەيى (MDL)
15. نورۆەگيا كروناسى (NOK)
16. رەسەي ءرۋبلى (RUB)
17. ساۋد ريالى (SAR)
18. SDR (XDR)
19. سينگاپۋر دوللارى (SGD)
20. سوم (KGS)
21. سوموني (TJS).
22. تۇرىك ليراسى (TRL)
23. وزبەك سۋمى (UZS)
24. فورينت (HUF)
25. فۋنت ستەرلينگى (GBP)
26. چەح كروناسى (CZK)
27. شۆەد كروناسى (SEK )
28. شۆەيتساريا فرانكى (CHF)
29. يۋان, رەنمينبي (CNY)
30. وڭتۇستىك افريكا رەندى (ZAR)