بۇل – حالىقتىڭ جەڭىسى!

حالقىم, بۇگىن جاسادىڭ قالاۋىڭدى, بيىك كوتەر قاشاندا جالاۋىڭدى. دالا, قالا شاتتىقتىڭ قۇشاعىندا, كەتتى ارالاپ قۋانىش ءار اۋىلدى.   سالا بەردى جادىراپ كوكتەم كۇنى, كۇدەر ۇزبەي كۇتكەنبىز كوپتەن مۇنى. جايناعاندا جاڭارىپ بارلىق ءوڭىر كوز الدىمنان ەلىمنىڭ ءوتتى ەرلىگى.   شاتتان! شاتتان! اقتارىل اق كوڭىلمەن, ماڭگى-باقي كەتپەسىن باق تورىڭنەن. بەيبىت كۇندى, قارسى الساق بەرەكەنى, نە بار ارتىق وسىناۋ ءتاتتى ومىردەن؟!   جيىرما جىل تاۋەلسىز ەلدىگىڭە, جيىرما جىل ورلىگىڭ, ەرلىگىڭە. دالامىزعا شۇعىلا, شۋاق شاشىپ, كوكتەم ك ۇلىپ تاعى دا كەلدى, مىنە.   قۋانىشتان ءدال بۇگىن كۇلمەس ك ۇلىپ, جاندى باۋراپ ءان مەن كۇي تۇر ەستىلىپ. قارلىعاشى كوكتەمنىڭ قاناتىنا الىپ كەلدى جاڭالىق ىلەستىرىپ.   سول جاڭالىق جەرىمنىڭ قويناۋىندا, الاتاۋدا, ارقادا... تويلى اۋىلدا! قالاۋلىسى حالىقتىڭ – نازارباەۆ جەڭىپ شىقتى پرەزيدەنت سايلاۋىندا!   بۇل حاباردى ءار اتقان تاڭنان كۇتتىم, ەلىم دەپ ەمىرەنگەن جاننان كۇتتىم. بۇل جەمىسى – جۇرەكتىڭ ەلىن سۇيگەن, بۇل جەڭىسى – حالىقتىڭ, ادالدىقتىڭ!   ەلدەستەردىڭ جۇزىندە شابىت تۇنىپ, جەردىڭ ءجۇزىن سول شابىت جارىق قىلىپ. قۇتتى بولسىن ايتادى ءبىر-بىرىنە قۇتتى بولسىن ايتادى بارلىق قۇرلىق!   وسى ەمەس پە, اعايىن, كۇتكەنىمىز, شاشىپ جاتىر شاشۋىن قۇت-بەلىمىز. شاشىپ جاتىر شاشۋىن اسپان جەرگە, تاعى بيىك بەلەسكە شىقتى ەلىمىز.   بەيبىت ەلدىڭ  جەرى مەن اسپانى ىزگى, گۇل كومكەردى كەشە ءبىز باسقان ءىزدى! ەلباسىمىز نۇرسۇلتان ءابىش ۇلى, نۇرلى, سىرلى ەرتەڭگە باستا ءبىزدى! توقتارباي قادامباەۆ, پارلامەنت ءماجىلىسىنىڭ  دەپۋتاتى.