ەلباسىعا سالەم جولدايمىز!

ەۋروپا, تۇركيا, قىتاي جانە موڭعوليادا تۇراتىن  قازاق دياسپورالارىنىڭ  بىرلەسكەن مالىمدەمەسى قازاقستان پرەزيدەنتىن سايلاۋ جارىسىندا نۇرسۇلتان نازارباەۆتىڭ ايقىن باسىمدىقپەن جەڭىسكە جەتكەنىنە بۇكىل الەم كۋا بولدى.  ءبىز – ەلدەن جىراقتا تۇراتىن 5 ميلليونعا جۋىق قازاق بۇل سايلاۋعا ەرەكشە ىنتا-ىقىلاس, ايرىقشا قىزىعۋشىلىق تانىتتىق. سوعان بايلانىستى شەتەلدەردەگى قازاق مادەني ورتالىقتارى ءارتۇرلى دەڭگەيدە جيىندار وتكىزدى. سايلاۋعا قاتىسۋعا مۇمكىندىگىمىز بولماسا دا, جۇرەكتەن شىققان اق تىلەگىمىز, ادال نيەتىمىز نازارباەۆ جاعىندا ەكەندىگىن سول باسقوسۋلاردا اشىق ءبىلدىرىپ جاتتىق. ويتكەنى, نازارباەۆ دۇنيەنىڭ ءتورت بۇرىشىندا شاشىراپ جۇرگەن قازاقتاردىڭ باسىن تاريحي وتانىمىزعا جيناۋعا بار كۇش-جىگەرىن جۇمسادى. بۇل ىستە تولايىم تابىستارعا قول جەتكىزدى. ءبىز ەلباسىنىڭ وسى قايراتكەرلىگىن جاقسى بىلەمىز, ءارى قاتتى باعالايمىز. سوندىقتان نۇرسۇلتان نازارباەۆتىڭ سايلاۋداعى جەڭىسىن ءبىز­دىڭ ءبارىمىز زور قۋانىشپەن قارسى الدىق. بۇل جەڭىس – تەك قا­زاقستان تۇرعىندارى عانا ەمەس, جەر ءجۇزىنىڭ ءار قيىرىندا جۇرگەن ءيىسى قازاق اعايىن ءۇشىن اسا ماڭىزدى تاعدىرلى وقيعا.  ەلباسىعا شىن جۇرەكتەن قۇتتىقتاۋ ايتامىز. ا.كەسەدجي,  پروفەسسور, ەۋروپا قازاقتارى فە­­دە­راتسياسىنىڭ  توراعاسى (ميۋنحەن); ش.ناي­مان,  زەينەتكەر,  ەۋروپا قازاقتارىنىڭ ارداگەر  اقساقالى (ميۋنحەن); ا.شەتين,  زەينەتكەر (كەلن); م.زەنگين,  كاسىپكەر (وسلو); ي.قوسشى,  كاسىپكەر (ستوكگولم); د.قى­لىش,  كاسىپكەر (ىستامبۇل); س.جانبولات,  قوعام قايراتكەرى ء(ۇرىمشى); ر.اساي,  پروفەسسور (ۋلان-باتور).