"بايتەرەك" ۇلتتىق باسقارۋشى حولدينگى بيىلعى جۇمىس جوسپارىن بىرنەشە باعىتتا وربىتپەك. بىرىنشىدەن, وتاندىق اۆتوكولىك وندىرىسىنە قولداۋ كورسەتەدى. ەكىنشىدەن, ەكسپورتقا دەيىنگى جانە ەكسپورت كەزىندە كاسىپكەرلەرگە قولداۋ كورسەتەدى. ۇشىنشىجەن, تۇرعىن ءۇي ينفراقۇرىلىمىن دامىتپاق. بۇل تۋرالى حولدينگ باسشىسى ەربولات دوساەۆ مالىمدەدى.
«ترانسپورتتىق ماشينا قۇرىلىسىنىڭ دامۋىنا كەلەر بولساق, وتاندىق اۆتوكولىك وندىرىسىنە 35 ملرد تەڭگە ءبولىندى. ولار ەكىنشى دەڭگەيلى بانكتەر ارقىلى جەڭىلدەتىلگەن نەسيە بەرۋگە ارنالدى. سونىڭ ىشىندە 26 ملرد تەڭگە كولىك قۇرالدارىنىڭ ليزينگتىك قارجىلاندىرىلۋى بولسا, ودان بولەك جولاۋشىلار ۆاگونى ءوندىرىسى دە وسى جوبا اياسىندا قولعا الىندى», — دەدى ەربولات دوساەۆ.
سونىمەن قاتار وتاندىق بيزنەستىڭ ەكسپورتتىق الەۋەتىن ارتتىرۋ ءۇشىن 2015 جىلى 50 ملرد تەڭگە, 2016 جىلى 45 ملرد تەڭگە بولىنگەنىن ايتتى.
ونىڭ ايتۋىنشا, حولدينگ ەندى تۇرعىن ءۇي ينفراقۇرىلىمىنا قارجى سالماق. "نۇرلى جەر" باعدارلاماسى اياسىندا قۇرىلىس كومپانيالارىن تىكەلەي قارجىلاندىرۋدى قويىپ, ەندى اكىمدىكتەردىڭ وبليگاتسيالارىن ساتىپ الۋ ارقىلى جانە بەلگىلى ءبىر شارتپەن ەكىنشى دەڭگەيلى بانكتەرگە سالۋ ارقىلى تۇرعىن ءۇي سەكتورىنا قولداۋ بەرمەك.
«اكىمدىكتەر وبليگاتسياسىنىڭ ءبىرىنشى ساتىپ الۋى 2016 جىلى بولعان ەدى. ول كەزدە 38,2 ملرد تەڭگەنىڭ قارىزىن ساتىپ الدىق. 2018 جىلدىڭ 1 قاڭتارىنان باستاپ تۇرعىن ءۇي قۇرىلىسىنىڭ بارلىق باعىتتارى بويىنشا وبليگاتسيا نەمەسە ەبد ارقىلى اتقارۋشى بيلىككە بەرىلەتىن بولادى", - دەدى ەربولات دوساەۆ.