ۇكىمەت وتىرىسى بارىسىندا قر پرەمەر-ءمينيسترى باقىتجان ساعىنتاەۆ «نۇرلى جول» باعدارلاماسىنىڭ جوبالارىن قارجىلاندىرۋ جوسپارلارىن قايتا قاراۋدى تاپسىردى, دەپ جازادى primeminister.kz.
قر پرەمەر-ءمينيسترى باقىتجان ساعىنتاەۆ جالپى 2016 جىلعى باعدارلامالاردىڭ نەگىزگى شارالارى اتقارىلعانىن, سونىمەن قوسا جىل قورىتىندىسى بويىنشا بەلگىلى يگەرىلمەگەن قاراجاتتار بار ەكەنىن ايتتى.
ب. ساعىنتاەۆ وتكەن جىلدىڭ قىركۇيەگىندە ۇكىمەت وتىرىسىندا باعدارلامالاردىڭ اكىمشىلەرىنە ۋاقىتىلى يگەرۋ مەن جوبالاردىڭ قاتاڭ باقىلاۋدا ىسكە اسىرىلۋى تۋرالى تاپسىرما بەرگەنىن ەسكە سالدى.
«سوندىقتان دا يگەرىلمەۋدىڭ نەگىزگى سەبەبى اكىمدەردىڭ تاراپىنان ءتيىستى باقىلاۋدىڭ بولماۋىنان دەپ ەسەپتەيمىن. تاعى ءبىر ماسەلە – بولىنگەن قاراجاتتى جوسپارلاۋ ساپاسى مەن يگەرۋدىڭ مەرزىمى. قارجىلاندىرۋدىڭ ەكى جىلدىق جوسپارىندا ەداۋىر كولەم ەكىنشى جىلدىڭ سوڭىنا قويىلعان, سول سەبەپتى مۇنى قالاي رەتكە كەلتىرۋگە بولاتىنى تۋرالى ويلانۋ كەرەك. سونداي-اق, يگەرىلمەۋ قاۋىپى بار شارالار بويىنشا قاراجاتتى قايتا ءبولۋ ۇسىنىستارىن ەنگىزۋ قاجەت», - دەدى ب. ساعىنتاەۆ.
سونىمەن قاتار قر پرەمەر-ءمينيسترى باقىتجان ساعىنتاەۆ مينيسترلەرگە وبلىس اكىمدەرىنىڭ حالىقپەن ەسەپ بەرۋ كەزدەسۋلەرىنە قاتىسۋ ءۇشىن وڭىرلەردى ارالاۋ كەزىندە مىندەتتى تۇردە «نۇرلى جول» باعدارلاماسىنىڭ نەگىزگى نىساندارىنىڭ قۇرىلىس بارىسىمەن تانىسىپ, ءوز ەسەپتەرىندە سول تۋرالى اتاپ ءوتۋدى تاپسىردى.