2016 جىلى «نۇرلى جولدىڭ» اۆتوجول جوبالارىنا 324,8 ملرد. تەڭگە ءبولىندى. ونىڭ ىشىندە ۇلتتىق قوردان 151,3 ملرد. تەڭگە. بولىنگەن قاراجاتتىڭ ەسەبىنەن رەسپۋبليكانىڭ 12 وبلىسىندا 1,7 مىڭ شاقىرىم جول قايتا جوندەلدى. بۇل تۋرالى بۇگىن ۇكىمەت وتىرىسىندا قر ينۆەستيتسيالار جانە دامۋ ءمينيسترى جەڭىس قاسىمبەك مالىمدەدى. جوندەلگەن جولدار قاتارىندا باتىس ەۋروپا - باتىس قىتاي, ورتالىق - وڭتۇستىك, ورتالىق - شىعىس, بەينەۋ - اقتاۋ, الماتى - وسكەمەن, استانا - پەتروپال, اقتوبە - اتىراۋ جانە ورال - كامەنكا جولدارى بار.
ءمينيستردىڭ ايتۋىنشا, بارلىق جوباعا 75 مىڭ ادام تارتىلدى جانە وتاندىق وندىرۋشىلەر ماتەريالدارىنىڭ ۇلەسى 90 پايىزدان استى. «2016 جىلى 913 شاقىرىمدا قۇرىلىس جۇمىستارى اياقتالىپ, ونىڭ ىشىندە جىل قورىتىندىسى بويىنشا, 767 شاقىرىم جول پايدالانۋعا بەرىلدى. باتىس ەۋروپا - باتىس قىتاي ترانزيتتىك ءدالىزى, استانا - تەمىرتاۋ, الماتى -قاپشاعاي, قاپشاعاي - بالپىق بي, بەينەۋ - شەتپە جانە كوكشەتاۋ - پەتروپاۆل ۋچاسكەلەرى بويىنشا قوزعالىس تولىق اشىلدى», - دەدى قاسىمبەك.