2017 جىلى «نۇرلى جول» باعدارلاماسىنا 387 ملرد تەڭگە قاراستىرىلعان

«نۇرلى جول» مەملەكەتتىك باعدارلاماسىن ىسكە اسىرۋعا 2017 جىلى 387 ملرد-تان استام تەڭگە قاراستىرىلعان. بۇل تۋرالى قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن ۇكىمەت وتىرىسىندا قارجى ءمينيسترى باقىت سۇلتانوۆ حابارلادى, دەپ جازادى primeminister.kz.

قارجى مينيسترلىگى باسشىسىنىڭ مالىمدەۋىنشە, «نۇرلى جول» مەملەكەتتىك باعدارلاماسىنىڭ بيۋدجەتتىك بولىگىنىڭ جىلدىق جوسپارى 100 %-عا دەرلىك يگەرىلگەن. ينفراقۇرىلىمدىق جوبالاردى ىسكە اسىرۋعا, تكش مەن تۇرعىن ءۇي قۇرىلىسىن دامىتۋعا, ءبىلىم بەرۋ سالاسىنداعى ينفراقۇرىلىمدى جۇزەگە اسىرۋ قاراجاتى تولىق كولەمدە پايدالانىلعان. جەرگىلىكتى دەڭگەيدە مەملەكەتتىك باعدارلاما قاراجاتىن يگەرۋ دە جەتكىلىكتى تۇردە جوعارى - 98,7 %. «نۇرلى جول» مەملەكەتتىك باعدارلاماسى اياسىندا 2016 جىلى جۇرگىزىلگەن كامەرالىق باقىلاۋ جالپى سوماسى 221 ملرد تەڭگە بولاتىن مەملەكەتتىك ساتىپ الۋلاردىڭ 420 ءراسىمىن قامتىدى, ونىڭ 55 ملرد تەڭگە سوماسىنا حابارلامالار جىبەرىلگەن. مەملەكەتتىك اۋديت نىساندارىمەن انىقتالعان قاتەلىكتەر جويىلدى. سونىمەن قاتار 17 ملرد تەڭگە سوماسىنداعى مەملەكەتتىك ساتىپ الۋلار قورىتىندىسى قايتا قارالدى; 38 ملرد تەڭگە سوماسىنداعى مەملەكەتتىك ساتىپ الۋلار بولدىرىلمادى. سپيكەردىڭ ايتۋىنشا, «نۇرلى جول» مەملەكەتتىك باعدارلاماسىنا قاتىسقان تولەمشىلەردەن بيۋدجەتكە سالىق كولەمىنىڭ ءوسىمى بايقالادى. ولاردىڭ كولەمى 2016 جىلى 43,5 ملرد تەڭگەنى قۇرادى, بۇل 2015 جىلعىدان 1,4 ەسەگە جوعارى كورسەتكىش. «مەملەكەتتىك باعدارلامانى ىسكە اسىرۋعا 2017 جىلى بيۋدجەتتەن 387,4 ملرد تەڭگە سوماسىندا قارجى قاراستىرىلعان», - دەدى ب. سۇلتانوۆ جانە بارلىق مەملەكەتتىك جانە جەرگىلىكتى اتقارۋشى ورگانداردى قازىردەن باستاپ قاجەتتى شارالاردى قولدانىپ, «نۇرلى جول» مەملەكەتتىك باعدارلاماسىن ءتيىمدى ىسكە اسىرۋ ماقساتىندا بيۋدجەتتىك راسىمدەردىڭ ۋاقىتىلى جۇرگىزىلۋىن باقىلاۋدا ۇستاۋعا شاقىردى. ەسكە سالا كەتەيىك, بۇگىن ۇكىمەتتە ينفراقۇرىلىمدى دامىتۋدىڭ 2015 - 2019 جىلدارعا ارنالعان «نۇرلى جول» مەملەكەتتىك باعدارلاماسىن ىسكە اسىرۋ بارىسى جونىندەگى ماسەلە قاراستىرىلدى.