حالىقارالىق ستۋدەنتتەر ويىنى قاۋىمداستىعى (FISU) الماتى قالاسىندا وتكەن بۇكىلالەمدىك 28-ءشى قىسقى ۋنيۆەرسياداعا قاتىسقان حوككەي قۇرامالارىنىڭ دەڭگەيلەرىنە كوڭىلى تولدى, دەگەنمەن دە جارىستىڭ وتكىزىلۋ ۇلگىسىن وزگەرتۋدى ءجون كورىپتى. بۇل جونىندە FISU ولەگ ماتىتسين مالىمدەدى, دەپ حابارلادى vesti.kz.
جارىستىڭ العاشقى كۇنى حوككەيدەن قازاقستان ەرلەر قۇراماسى قىتايلىق قارسىلاستارىنىڭ قاقپاسىنا جاۋاپسىز 22 شايبا سوققان. ال اقتىق ويىندا قازاقستاندىق حوككەيشىلەر رەسەيلىكتەرگە 1:0 ەسەبىمەن جەڭىلىپ, كۇمىس جۇلدەگە يە بولدى.
«حوككەي ماتچتارىنىڭ دەڭگەيىن كورىپ, قۋانىپ قالدىق. سپورتشىلار ۋنيۆەرسيادا ويىندارىنا قاتىسۋ تۋرالى ءتۇرلى پىكىردە. فينالدىق ماتچتار وتە جوعارى دەڭگەيدە ءوتتى. الايدا, بۇل جارىستا كەيبىر قۇرامالاردىڭ دەڭگەيىندە جەر مەن كوكتەي ايىرماشىلىق بار ەكەنىن كورسەتىپ بەرگەندەي. 22:0 سەكىلدى ەسەپتى بولدىرماۋ ءۇشىن FISU حوككەيدەن وتەتىن جارىستىڭ ۇلگىسىن وزگەرتۋدى شەشتى. مۇمكىن قۇرامالاردىڭ دەڭگەيىن سارالاي وتىرىپ, ەكى توپقا بولەمىز. قاتىسۋشى ۇجىمداردىڭ دايىندىعى جاقسى ەكەنى ءبىلىنىپ تۇردى. تورەشىلەردىڭ جۇمىسىنا دا وڭ باعا بەرىلدى. ارينە, كەيبىر جەردە قاتەلەسىپ جاتتى», – دەدى ولەن ماتىتسين.