كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ قازاقستان رەسپۋبليكاسىنىڭ كەزەكتەن تىس بولعان پرەزيدەنتتىك سايلاۋىنىڭ قورىتىندىسىن جاريالادى.
سايلاۋعا داۋىس بەرۋ قۇقى بار 9 200 298 ازاماتتان تۇراتىن ەلەكتوراتتىڭ 8 279 227-ءسى قاتىسقان. ياعني, بارلىق سايلاۋشىنىڭ 89,98 پايىزى داۋىس بەردى, دەدى توراعا. پرەزيدەنتتىككە كانديدات بولعاندارعا داۋىس بەرۋ ناتيجەسى ءتومەندەگىدەي بولىپ ءبولىندى:
بارلىق سايلاۋشىنىڭ نۇرسۇلتان نازارباەۆقا – 95,55, عاني قاسىموۆقا – 1,94, جامبىل احمەتبەكوۆكە – 1,36, مەلس ەلەۋسىزوۆكە – 1,15 پايىزى داۋىس بەردى.
سايلاۋ پروتسەسىنە بارلىعى 30266 بايقاۋشى قاتىستى. سونىڭ 9417-ءسى كانديداتتاردىڭ سەنىمدى وكىلدەرى, 1212-ءسى شەتەلدىك بايقاۋشىلار مەن جۋرناليستەر, 12828-ءى ساياسي پارتيالاردىڭ, 6212-ءسى قوعامدىق ۇيىمدار مەن ۇەۇ, 597-ءسى قازاقستاندىق باق وكىلدەرى بولدى.
سايلاۋ ۇدەرىسى بارىسىندا ورتالىق سايلاۋ كوميسسياسىنا ەشقانداي شاعىم بولعان جوق. ال وبلىستار مەن استانا جانە الماتى قالالىق كوميسسيالارىنا ازاماتتار 8 رەت قايرىلعان. ولاردىڭ ءوتىنىمدەرى دەر كەزىندە قارالعان.
جاقسىباي سامرات.