ۇكىمەت 7 اقپانعا دەيىن مەملەكەت باسشىسى نۇرسۇلتان نازارباەۆتىڭ قازاقستان حالقىنا ارناعان جولداۋىن ورىنداۋ ءۇشىن جالپىۇلتتىق جوسپار əزىرلەيدى. قر پرەمەر-ءمينيسترى باقىتجان ساعىنتاەۆ بۇگىن ۇكىمەت وتىرىسىندا وسىنداي تاپسىرما بەردى.
«مەملەكەت باسشىسى ۇكىمەتكە قازاقستاننىڭ ۇلتتىق تەحنولوگيالىق جاڭعىرتۋىنىڭ 2020 جىلعا دەيىنگى ستراتەگيالىق جوسپارىن دايىنداۋدى تاپسىردى. ۇلتتىق ەكونوميكا مينيسترلىگى جوسپاردى دايىنداۋعا دەرەۋ كىرىسۋى قاجەت. تيمۋر مۇرات ۇلى, (ۇلتتىق ەكونوميكا ءمينيسترى - اگەنتتىك) ءسىز ەلباسىنىڭ قازاقستان حالقىنا جولداۋىن ىسكە اسىرۋدىڭ جالپىۇلتتىق جوسپارىن دايىنداپ, ۇكىمەتكە تەز ارادا ەلباسى جارلىعىنىڭ جوباسىن ەنگىزىڭىز», - دەدى ساعىنتاەۆ ۇلتتىق ەكونوميكا مينيسترىنە تاپسىرما بەرە وتىرىپ.
سونداي-اق, ۇكىمەت باسشىسى پرەزيدەنتتىڭ ءəربىر تاپسىرماسىنىڭ ناقتى مەرزىمدەرىن, وعان جاۋاپتى لاۋازىمدى تۇلعالاردى بەلگىلەپ, جولداۋدىڭ دەر كەزىندە ورىندالۋىن قاتاڭ باقىلاۋعا الۋ كەرەك دەگەن تاپسىرما بەردى. ساعىنتاەۆ جالپىۇلتتىق جوسپاردى 7 اقپان كۇنگى ۇكىمەت وتىرىسىندا تالقىلاپ, قابىلدايتىنىن ءمəلىم ەتتى.