وبلىستا باستاماشىل توپ قازاقتىڭ اتاقتى باتىرى, مامىلەگەرى شاقشاق جانىبەككە ەسكەرتكىش ورناتۋدى ۇسىنىپ وتىر. بۇل يگىلىكتى ىسكە تالپىنىس باستالىپ تا كەتتى. وبلىستا «جانىبەك-تارحان» قوعامدىق قايىرىمدىلىق قورى قۇرىلىپ, ەرىكتى قارجى جيناۋ قولعا الىندى.
ءحۇش عاسىرداعى قازاق تاريحى قولباسشى, مەملەكەتتىك قايراتكەر, باتىر شاقشاق جانىبەكسىز ايتىلمايدى. ول تۋرالى تاريحي دەرەكتەر قازاقستاندا عانا ەمەس, رەسەيدىڭ ماسكەۋ, سانكت-پەتەربۋرگ, ورىنبور جانە ومبى قالالارىنداعى ارحيۆتەردە ساقتالعان. قازاق جەرىنىڭ بۇتىندىگىن ساقتاۋدا شاقشاقتىڭ ەڭبەگى زور, ءوز زامانىنداعى قازاق حاندارىنان كەم ەمەس ەكەنىن ايتادى تاريحشى عالىمدار.
وتكەن جىلى وسىلاي باستاماشىل توپتىڭ جۇمىسى ارقاسىندا جۇرتشىلىقتان جينالعان دەمەۋشىلىك جانە قايىرىمدىلىق قارجىعا قازاقتىڭ باس باتىرى قوبىلاندىعا قوستاناي قالاسىندا ەسكەرتكىش ورناتىلدى. ەندى شاقشاق باتىر كەلىپ ورنىقسا, تاريحىمىزدى تانۋدا جانە ۇلتتىق رۋحتى كوتەرۋدە مۇنىڭ كەيىنگى ۇرپاققا بەرەر تانىمى مول بولارى ءسوزسىز.
ءنازيرا جارىمبەتوۆا, «ەگەمەن قازاقستان»
قوستاناي