برازيليا فەدەراتيۆتىك رەسپۋبليكاسىنداعى قازاقستان رەسپۋبليكاسىنىڭ ەلشىسى قايرات سارجانوۆ برازيليانىڭ سپورت ءمينيسترى لەوناردو پيچچيانيمەن كەزدەسۋ وتكىزدى. كەزدەسۋ بارىسىندا مينيسترگە قازاقستاننىڭ 25 جىلدىق تاۋەلسىزدىگىندە قول جەتكىزگەن جەتىستىكتەرى تۋرالى باياندادى جانە قازاقستان مەن برازيليانىڭ سپورت سالاسىنداعى ەكىجاقتى ىنتىماقتاستىعىنىڭ دامۋىن تالقىلادى, دەپ حابارلايدى قر ءسىم ءباسپاسوز قىزمەتىنەن.
قازاقستاندىق ديپميسسيانىڭ باسشىسى ريو-دە-جانەيروداعى جازعى وليمپيادالىق جانە پاراليمپيادالىق ويىنداردىڭ ءساتتى وتكەندىگىن اتاپ ءوتىپ, قازاقستاندىق سپورتشىلار ويىنداردىڭ ەڭ بەلسەڭدى قاتىسۋشىلارىنىڭ ءبىرى بولعاندىعىن باسىپ ايتتى. ەلشى قازاقستان مەن برازيليا ۇلكەن وليمپيادالىق جەتىستىكتەرگە قول جەتكىزىپ, وزدەرىنىڭ وليمپيادالىق ويىندارعا قاتىسۋ تاريحتارىندا ءبىرىنشى رەت سايكەسىنشە 17 جانە 19 مەدالدى جەڭىپ, رەكوردتىق ناتيجە كورسەتكەندەرىنە توقتالدى. ءوز كەزەگىڭدە, برازيليانىڭ سپورت ءمينيسترى قازاقستاندىق قۇرامانىڭ دايىندىعىنا جوعارى باعا بەرىپ, قازاقستاندىق سپورتشىلاردىڭ بوكس, اۋىر اتلەتيكا جانە ءجۇزۋ بويىنشا سپورت جارىستارىندا كورسەتكەن ونەرى تەك برازيليالىق اۋديتوريانىڭ ەسىندە عانا قالىپ قويماي, الەمدەگى بۇكىل سپورت جاڭاشىرلارىن ءتانتى قىلدىرعاندىعىن ايتتى.
[caption id="attachment_75373" align="alignnone" width="560"] 17 de قارembro de 2016 - Min Leonardo Picciani recebe oEmbaixador do , KAIRAT SARZHANOV. Foto: Roberto Castro/ME[/caption]
تاراپتار كەلەسى جىلدىڭ قاڭتار-اقپان ايلارىندا الماتى قالاسىندا وتەتىن 28-ءشى بۇكىلالەمدىك قىسقى ۋنيۆەرسياداعا برازيليالىق سپورتشىلاردىڭ قاتىسۋىنا بولەك توقتالدى. ەلشى مينيسترگە كەلە جاتقان ءىس-شارا تۋرالى پرەزەنتاتسيالىق ماتەريالداردى ۇسىنىپ, ۋنيۆەرسياداعا برازيليالىق سپورتشىلار مەن جانكۇيەرلەردىڭ قاتىساتىندىعىنا ءۇمىت ءبىلدىردى. بۇل ورايدا, ول قىركۇيەك ايىندا كۇشىنە ەنگەن ەلدەرىمىز اراسىنداعى ازاماتتاردىڭ ءوزارا ۆيزاسىز ساپارلارى تۋرالى كەلىسىم قازاقستان مەن برازيليا اراسىنداعى سپورتتىق بايلانىستار مەن تۋريستتەر لەگىنىڭ ارتۋىنا اكەلىپ سوقتىراتىنىن اتاپ ءوتتى.
ل.پيچچياني حالىقارالىق دارەجەدەگى وسىنداي ماڭىزدى سپورت ءىس-شاراسىنا برازيليالىق تاراپتىڭ قاتىسۋىن قامتاماسىز ەتۋدە ءوز قولعابىسىن تيگىزەتىنىنە سەندىردى. تاراپتار سپورتتىڭ حالىقارالىق قاتىناستاردا ماڭىزدى ءرول اتقاراتىنىنا, ال ەلدىڭ سپورتتىق جەتىستىكتەرى مەملەكەتتىڭ شەتەلدەگى جاعىمدى بەينەسىن قۇراتىنىنا, مەملەكەتتەر اراسىنداعى ءوزارا تۇسىنىستىكتى جاقسارتا وتىرىپ, ادامداردى ودان سايىن ىنتاماقتاستىققا شاقىراتىنىنا كەلىستى.