قازاقستان حالقى اسسامبلەياسىنىڭ «ۇلكەن ەل - ۇلكەن وتباسى» اۋقىمدى رەسپۋبليكالىق جوباسى قازاقستاندىق بىرتەكتىلىكتى نىعايتادى جانە ازاماتتىق قوعام تۇتاستىعىن قالىپتاستىرۋ ءۇشىن جاعداي جاسايدى, دەپ مالىمدەدى وڭىرلىك كوممۋنيكاتسيا قىزمەتى الاڭىندا جامبىل وبلىسى قحا حاتشىلىعىنىڭ مەڭگەرۋشىسى مارجان قوجاەۆا.
سپيكەردىڭ ايتۋىنشا, جامبىل وبلىسىندا وسى جوبانىڭ اياسىندا جىل باسىنان باستاپ 110-نان استام شارا وتكىزىلدى. «بۇل شاراعا 55 مىڭنان استام ادام قاتىستى. بۇل «ۇلكەن ەل - ۇلكەن وتباسى» زاماناۋي قولدانبالى ونەر كورمەسى, «ءبىز - بولاشاعى ءبىرتۇتاس ەلمىز» ەتنومادەني بىرلەستىك بايقاۋى, « ۇلى دالا اڭىزى» ەتنوەكسپەديتسياسى, «قحا-2016 جاستار» فورۋمى», - دەپ اتاپ ءوتتى ول.
«25 يگى ءىس» اكتسياسىنىڭ اياسىندا وڭىردە مۇمكىندىگى شەكتەۋلى بالالارعا ارنالعان قايىرىمدىلىق شاراسى ءوتتى. قر تاۋەلسىزدىگىنىڭ 25-جىلدىعىنا ارنالعان «قايىرىمدىلىق كەرۋەنى» وبلىستىڭ 4 اۋدانىنا باردى.
م. قوجاەۆا جامبىل وبلىسى قازاقستان حالقى اسسامبلەياسى جانىندا مەدياتسيا كابينەتى اشىلعانىن اتاپ ءوتتى. «تۇتاستاي وبلىس بويىنشا 12 مەدياتسيا كابينەتى اشىلدى. 63 مەدياتور جۇمىس ىستەيدى. حقا مەدياتورلارىنا ەڭبەك, ازاماتتىق, وتباسىلىق داۋلارعا قاتىستى 219 شاعىم ءتۇستى, ونىڭ 165-ءى شەشىلدى. قحا قۇرىلىمدارىن بايلانىستىرۋشى بۋىن عىلىمي-ماراپتامالىق توپ بولىپ تابىلادى. ونىڭ ۇسىنىسىمەن اۋدانداردا اقپاراتتىق-ءتۇسىندىرۋ جۇمىستارى جۇرگىزىلەدى. ەسەپتى كەزەڭنىڭ 20-دان استام الىس اۋىلدارعا شىقتى», - دەدى م. قوجاەۆا.